Astri mi Astri

Glitter i kvardagen...

2012-02-13T23:08:00.001+01:00

Lang langt langt inni meg bur det ein pitteliten materialist som likar veldigveldig godt fine ting. Men dette er ein løyndom. **sshhh** Men uansett. Fine ting for tida er då krager og ... herlige london, eg har so sjukt lyst på nokre raude sko!.... Og ikkje nok med eit par raude, for eg har nemleg lyst på finefine glitrande pumps som er dekka av glitter også... Men du, dette er den pittelille materialisten som likar veldigveldig godt fine ting, du veit, materialisten som bur inn i meg, som seier. Dette er ikkje mine ord....

Her skal de få sjå litt kragar og skor som eg har hatt i den lille delen av hjerna som eg ikkje brukar til matematikk og sånne viktige ting...:

Du kan jo ikkje kome her og seie at du ikkje likar desse bileta?.. Du smilar!!!

Du smilar!!

HAH!!

Du er litt svak du også...

hehe..

FULLMÅNE!

2012-02-12T10:04:00.000+01:00

Her ein kveld var det ein fantastisk måne ove Volda. Biletet er teken frå parkeringsplassen vår, der kameraet var plassert opp på ei bok opp på biltaket til Sandra fordi eg ikkje har kamerastativ. Men det funka like bra det:) Som mytene seier blir baksten bra på veksande måne, men jommen blei den ikkje bra på fullmåne også. Eg baka dei beste bollane eg har laga hittil i livet. Det tok meg berre 24 år.. Lurer på korleis bollane smakar om 40 år eg....

Ein fin søndag til deg!

(eg skal snart trasse snøvéret og kome meg på bussen heim til Vigra:)

KRAGE 2

2012-02-12T09:56:00.000+01:00

Krage er i vinden!

Leit i skuffer og skap i bestemors garderobe, eller spring til næraste klesbutikk..

Eg er vertfall heilt forelska i desse søte kragane.. Heklekrage neste!

La deg blåse over ende av denne kragevinden, eg er vertfall teken av vinden :)

PROSJEKT: PUFF

2012-02-06T01:05:00.000+01:00

Den er ikkje ferdig. Må kjøpe ei dyne og rulle saman til ein ball og stappe den inni puff-varet (som i putevaret - om du skjønar kva eg meinar) også må eg strikke ferdig undersida. Garnet eg brukar kan knapt kallast garn, meir som ei fille (sånn som du vever tepper av - om du skjønar kva eg meinar). Og strikketyet veger eit halvt tonn. Gler meg til den er ferdig, då har eg nemleg laga min eigen puff! Eller fotskammel. Ingen skam over det! ;)

KRAGE

2012-02-05T21:09:00.002+01:00

Hiver meg litt på grandtantestilen eg no for tida...

So no er det 50-talskjoler og hekla krage og cardigans og brosjer og strømpebukse som tel;)

Neida...

PLANAR, 2012

2012-02-05T12:15:00.002+01:00

PÅSKA:

NEW YORK

SOMMAREN:

SHANGHAI & BEJING

HAUST:

(okt-des)

SINGAPORE

INDONESIA

AUSTRALIA

NEW ZEALAND

FIJI

..ENDELEG..

2012-01-27T01:52:00.003+01:00

No er hotell booka og flybillettar booka til New York! Det er ikkje berre berre å vere sunnmøring og skal gjere eit so godt kupp som overhovudet mogleg og vere bombesikker på at ein ikkje har gjort noko tabbe. Vi har tråla og googla verdsveven for aktuelle og billige nok hotell, og NYC er ikkje den billigaste byen å bu i. Vi enda med eit heilt kurrant hotell midt i Times Square, for å vere heilt ærleg so er hotellet eigentleg kurrant + . Og veit de kva? Eg likar det! Pittepittelitt kurrant luksus må ein få unne seg i blant, sjølv om dette ikkje er luksus i normal målestokk.

(bilete frå www.weheartit.com - eg gler meg til å ta mine eigne bilete;)

SNØ I VOLDA

2012-01-22T18:59:00.000+01:00

Det er utrulig vakkert i Voldalandet når KongVinter kjem på vitjing. Det er ikkje som heime, der du slapsar deg avgårde med sko som blir øydelagde av slapsa og saltet. Her knirka det når du går og det ryker ut av munnen din når du snakker og du ser med lange blikk etter folk som kosar seg i akebakken og i skianlegget fordi du har so ufatteleg lyst til å suse nedover bakken og kjenne at magen snur seg og hoppar inni deg. Men det kan du ikkje fordi du ikkje har skibukse, ski eller vintersko her i Volda. Du må klare deg med dine livsfarlege støvlettar og ei kaldkald dongeribukse. Men for all del, skorne sørgjer vertfall for at du får teke nokre piruettar no og då. Då får du liksom varmen i deg likevel, fordi du er skikkeleg Bambi på isen og får heiteslag på grunn av stresset - eller fordi du blir raud i toppen av folkemengda som nettopp såg Bambi på isen. På veg til skulen i går (jepp, laurdagsskule) talte eg ikkje mindre enn 7 piruettar. Ikkje verst. Eg turte ikkje å opne brusa(!) eg hadde i veska fordi den hadde garantert brusa over sidan veska ikkje akkurat hang i ro på skuldra.

NEW YORK

2012-01-19T22:28:00.000+01:00

Om nokre veker drar eg, Kjersti og Natalie ein liten tur over Atlanterhavet. Det skal bli utruleg bra, eg har ikkje byrja å telje dagar og timar endå, men det kjem. Turen er ikkje heilt i boks endå sidan vi ikkje har funne ein stad å bu. Men flybillettane er kjøpt og betalt. Worst case blir å campe i Central Park. Neida, det ordnar seg nok skal du sjå.

Det kriblar i magen berre ved tanken på å reise. Eg har ikkje vore på reisefot sidan - okay - eg var i Roma i sommar-11 og Kenya i feb-11, so eg har kanskje ikkje lov til å klage. Men eg trur eg er blitt litt hekta på reising. Det er so mykje å sjå der ute! So mykje spanande mat å ete! So mykje fint å ta bilete av - helst med eit nytt objektiv kjøpt billig i USA;)

Når det kribla i magen forrige helg då eg var i Bergen fordi eg gledde meg sånnn til å reise kan du tenkje deg stormen i magen som vil herje under denne turen!!

< 3

KALEIDOSKOP

2012-01-04T13:19:00.001+01:00

Fekk pakke frå USA her ein dag. Det var ganske kult. Eg kjøpte kaleidoskopet mitt på EBAY fordi det var den einaste plassen eg fann eit kaleidoskop som var fint å sjå på som ikkje var dekorert med biler eller prinsesser og som ikkje kosta so altfor mykje pengar. Det kan vere kjekt å ha dersom du sit og kikar ut i lufta utan å ha noko fint å feste blikket på. Det at det ser ut som ein sjørøvarkikkert gjer ingenting. Planen er å legge det til i samlinga mi med rare raritetar som ei tante skal ha, som små niese- og nevøfingrar kriblar etter å få låne. Men samstundes vite at dei skal vere veldig veldig varsam med ;) hehe.. neida. Det er jo berre papp og kosta 30 kr, so ingen krise om det blir øydelagt.

Har du

2012-01-03T00:37:00.002+01:00

møtt ugla

PRETTY UGLY?

Den tøffaste ugla i verda, og eg kjenner mange ugler - det har dei fleste fått med seg!

Men denne lyser då i mørkret, heile ugla lyser - ikkje berre augo. Den skal lyse opp hybelen min i Volda gjennom vinteren, å, kor eg gler meg til å setja den på plass i glaskarmen.

Eg fekk den forresten i julegåve frå Malin og Rune. Å, eg hoppa nesten i taket då eg pakka den ut. Denne ugla har nemleg vore av utrydningstrua art, utsolgt overalt - men det var kanskje bra, for viss eg hadde funne den hadde eg kjøpt den sjølv og da hadde eg hatt to ugler. Men det hadde kanskje ikkje gjort noko uansett. Vel, glad og lukkeleg er eg no, etter eit aldri so lite materialistisk ruskick:)!

GODT NYTTÅR!

2012-01-01T15:04:00.000+01:00

Hahaha.... Dette prosjektet gjekk ikkje so bra som vi hadde tenkt!!

2102

LOL

YNSKJER DEG EIT GODT NYTTÅR!

Etterdønningar...

2012-01-01T14:39:00.000+01:00

Den sterke Dagmar som herja her på kysten 1. og 2.juledag gjorde at vi mista straumen i 24 timar og sørgja for at vi har nok ved til å overleve i kulda. Eg har aldri sett so mange tre som har velta eller knekt på midten. Utruleg merkeleg. Heile rekker med gran har lagt seg ned, og noko som er endå rarare er dei rekkene der annakvart tre har velta. haha.

Eit døgn utan straum gjekk veldig fint. Vi fyrte i ovnen, kokte kaffi på stormkjøkkenet, køyrte til naboøya for å lade elektronikken, oppdaterte facebook via mobilen om kor provisorisk vi levde.. haha.. back to the 19th Century liksom ;)

Det var nok verre for dei som mista verdiar i stormen. Taksteinar tok vegen, naust ramla ned og båter gjekk ned ved havna. Dagmar var ikkje snill og rolig i vendingane, nei.

Frukost i mørkret

Frukostkaffi på propangass..

Tine rundstykker på ovnen..

JULAFTEN 2011

2011-12-27T15:43:00.001+01:00

Hei og hopp!

No er dei argaste juledagane over, og det er eit heilt år til neste runde! Litt vemodig, men likevel litt deilig. Den same tomme kjensla, men likevel tilfredse og glade kjensla kjem kvar gong etter at julestria har lagt seg. Vi har gått og gleda oss heile desember til juledagane, også er dei over SO fort! No er det julefestar og venetreff som står for tur dag etter dag, kveld etter kveld resten av juleferien. Det blir ein del kaffi, sjokolade og scrabble ~~fryktar~~ tenkjer eg ;)

Innimellom er planen å byggje litt heimeside og rekne litt matte. Eg følar av ein eller anna grunn på meg at dette kjem ALDRI til å skje..?!..

Håpar du får ei flott romjul!

Stjerna i toppen har ein tendens til å bli litt skeiv her i huset..

Blei ein del papir-rot, ja!

JULEBORD

2011-12-25T14:58:00.001+01:00

Kameraet mitt vil ikkje samarbeide med meg for tida, blitsen nektar å sprette opp av seg sjølv. Dermed blir bileta so som so no i desse mørketider. Eg har prøvd å setja på ein ekstern blits, men den er kjempedårleg og kjempeskarp so då blir bileta kjempedårlege og kjempelyse, so eg er nøydd til å køyre dei gjennom eit filter på iphoto. Sånn er det. Men nesten svart/kvit bilete kan vere ganske tøfft det óg:)

Julebordet var kjempekjekt. Alltid kjekt å treffe igjen fråflytta venar som har leita seg heim til jul. Vi var veldig mange folk som kosa oss veldig! God julemat, god julestemning, god prat, god kaffi og god twist. Kan ein ynskja seg noko meir?

Juleminne

2011-12-24T01:20:00.000+01:00

Å vakne av seg sjølv klokka 07.00 med eit stort glis rundt munnen, meir opplagt enn snømannen Kalle som har stått ute i kulda fleire dagar. Ute laver snøen ned. Nakne føter tripper over iskaldt golv. Ikkje tid til å ta på seg tøffler eller tjukkeragger. Det er jul! Du tripper inn på rommet til storesøster, kaster deg i senga og hoppar i senga til ho vakner. Ho er treig og du fryser, so du legger deg under dyna hennar og dere snakkar om den store dagen som nettop er byrja. Det er endå ein halvtime til julemorgon med Nissan og Elisabeth på NRK. De har god tid til å pjatte og prate. De er litt usikre på om de skal vekke storebror også, han er sikkert litt for tøff til å sitja framfor TV-en klokka 08.00 om morgonen. Men de tek sjansen. Alle tre pakkar seg inn i dyna og luskar inn på matboda for å ta litt julekaker. De gøymer dei under dyna og luskar seg opp trappa, stillare enn ein rev. Mamma og Pappa må ikkje vakne. Dei går inn på stua og sit ned på teppet framfor TV-en og finner fram julekakene som har gått i stykker inni dynene, det er smuler overalt og det stikker under dyna. Men dei bryr seg ikkje, det er jul. Brått kjem storebror på julestrømpene som henger på kjøkkenet fordi vi ikkje har peis og det er difor umogleg for nissen å fylle dei med snop gjennom pipa. Julekakene vert satt bort og julestrømpa innteke. Brått høyrer borna frå sofaen; Neimen, er de vakne? Bestemor og Bestefar har vakna av all knitringa av godtepapir og kviskring og forsøk på å vere stille. Bestemor og Bestefar har sove på sofaen fordi det var meldt storm på julaften, det var like greit å berre overnatte.

Litt etter litt byrjar julelukta å spreie seg gjennom huset. Bestefar har teke på seg den raude julevesten sin og bestemor har funne fram forkledet sitt. Askepott får oppfylt dei tre ynskja sine og Sonja finner att julestjerna. Ute blåser det og snøver det. Snømannen Kalle har fått eit godt lag med nysnøv på seg. Det er damp på vindauga. Klokka går seint. Pakkane er saumfart og gjettinga er unnagjort. Borna trippar og kikar på klokka. Dei kikar ut gjennom vindauget, legg nesa inntil vindauget so den blei kald, tegnar på dampen på vindauget og kikar på klokka igjen. Formiddagen er lang. Finstasen er komen på, so de får ikkje gå ut og leike. Det er ingen andre born ute heller. Mamma dekker på bordet. Det nærmar seg. Klokka tikkar seg sakte men sikkert fram til klokka 17.00. De opnar verandadøra og høyrer kyrkjeklokkene i det fjerne gjennom snøvkave og storm. Inne brenn det i ovnen og det er godt og varmt. Sølvgutane syng jula inn på TV. Det er klart. Julaften har byrja. Fåreribbe, svineribbe, Vigramør, kålerabistappe, surkål og poteter. Borna er sjeleglade for at dei ikkje bor på Sørlandet for då ville dei ete torsk til middag. Det hadde vore litt snippe er dei samde om. Nei, lite kan måle seg med JUL PÅ SUNNMØRE < 3

YNSKJER DEG EI VELSIGNA GOD JUL!
klem< 3

Julestemning

2011-12-23T01:53:00.001+01:00

Vil berre dele eit lite stemningsbilete frå julebordet eg var på i kveld. Mykje fine folk og stemninga var i taket:) Utruleg kjekt! Eg likar Vigra. Kjempegodt!

FINITO!

2011-12-23T01:50:00.000+01:00

Ei veldig god kjensle. Litt i siste liten, men det har eigentleg ikkje vore noko stress. Eg har nemleg sett min lit til lister i år. Eg er eigentleg ikkje noko listemenneske, det vil seie at eg elsker å lage lister, men følgjer dei ALDRI. Det har på ein måte inga hensikt. Men i år veitdu. I år fulgte eg den nesten til punkt og brikke. Og eg har sjølvsagt kjempelyst på alle pakkane eg har kjøpt sjølv. Og i år trur eg at minst 90% av gåvene eg har kjøpt har vore harde!! hihi. Og det er bra sidan dei er lettast å pakke inn :)

Berre ein liten ting....

2011-12-16T14:57:00.001+01:00

Eg SMILER!

berre sjå:

Ü

Det er jul!

AKKURAT NO

2011-12-15T22:53:00.000+01:00

Kriblar det godt i magen og i tærne og i heile kroppen eigentleg. Eg har nemleg aldri vore so nær juleferie 2011 som det eg er no. Og no er eg endå litt nærmare. Og heisann, no er eg endå nærare.. :) Det er gøy at ting går framover. Når klokka bikkar 15.00 i morgon er eg so sveitt i hendene at det er vanskeleg å halde pennen, eg ser trippelt og eg skjelver. Eg smiler. For det er juleferie. Rett etter at eg har levert inn eksamenensbesvaringa byrjar nok hjerna å jobbe på høggir og planlegger julegåver. Eg har ikkje ofra jula ein einaste tanke endå. Eg er av den typen som har vansker med å tenkje/gjere 100000 ting på ein gong. Men i morgon klokka 15.00 er det 100% jul:)
Det var her ein dag eg traff på ein tidlegare kollega, og ho berre "God jul, Astri!!" Og eg berre "hææ..?" ***tenkte-tenkte-tenke*** og ho berre flira. "Eksamen?" Og eg berre. "hehe, ja..".

No må berre denne pittelille kvalmebya gje seg - veit ikkje kva det er. Vertfall ikkje nervar, for eg er komen til eksamens-nullpunktet; punktet der ampatien toppar kransekaka. Men må kjempe meg gjennom pensumet om konservering før eg tek kveld før eg vakner superopplagt i morgå før eg skal avlegge eksamen.

TJOHEI, snart jul <3

Bilete frå weheartit.com

Letter to Astri

2011-12-11T14:46:00.001+01:00

Hei Astri Elisabeth
No er det på tide å skjerpe seg pittelitt og byrja å ta eksamenen som nærmar seg med stormskritt pittelitt meir alvorleg enn det du har gjort til no. Sjølv om juleferien nærmar seg like raskt som eksamenen er det ingen grunn til å la den prioriterast framfor eksamenen. At du ikkje har kjøpt ei einaste julegåve er heller ikkje noko å uroa seg over. Ei heller alt det morosame du går glipp av, for greia er at du går ikkje glipp av noko dersom du klarer å gape over begge deler. Det held ikkje å berre gape over det som er kjekt. Å fokusere 100% på begge deler blir 200% tilsaman og logikken seier at det ikkje går, men av og til er vilja sterkare enn logikken og for ei pittelita tidsperiode kan du nemleg klare å strekke deg so langt som 200%.
So dersom du klarer å få med deg julefesten i kveld, selskapet og bytur i morgon og kaaanskje korøving på onsdag, bør du også klare å lese 3 kompendier og ei bok, og sluke 400 sider på torsdag. Nei, 400 sider på ein dag er rett og slett fysisk umogoleg. Du må prøve å gje slipp på korøvinga slik at du kan reise til Volda for å byrja på dei 400 sidene på tysdag seinast, sidan det er der dei to bøkene er.

Dersom du sluttar å skrive på denne bloggen din, loggar av facebook, skrur av TV-en, skrur av Iphonen, kokar litt kaffi - ja, då vonar eg at dette skal gå bra. Til slutt.
No er det siste innspurt, og du veit at energien i glykogenlageret ditt er lett tilgjengeleg og kan gje eit skikkeleg adrenalinkick dersom du verkeleg treng det. Men då må du også ha med deg hovudet ditt!

Med vennleg helsing
ditt alter ego.

Letter to Astri

2011-12-11T14:45:00.000+01:00

Ynskjeliste til jul

2011-12-06T19:20:00.001+01:00

Til Jul ynskjer eg meg slalåm fordi eg er født med ski på beina. Eg ynskjer meg langrennski også, litt sånn type fjellski.

I tillegg er eg veldig glad i kaffi, so ei lita kaffimaskin hadde ikkje vore so verst. Helst ikkje med sånne podar, eg tykkjer nemleg det er like gøy å lage skikkeleg kaffi som å drikke den. Ei raud hadde vore midt i blinken.

I heile haust har eg sjangla rundt med tunge handleposar på styret på sykkelen min, eg har lenge vurdert å kjøpe meg sykkelkorg, men no ynskjer eg meg det til jul istadenfor. Det er so lettvint å berre putte alt oppi sykkelkorga og sykle i veg utan å vere redd for at det blir hol i handleposen fordi det skrapar bort i hjulet.

Eg har også tenkt å be kjekke venar på kaffiselskap når eg blir stor, og slik det ser ut no kan eg berre ha 4 vener fordi eg har berre 4 pip-koppar. So eg ynskjer meg pip-koppar i alle fargane. Jo fleire jo betre.

Eg har også kome til det stadiet i livet der du frys på beina og er blitt avhengig av tjukkeraggar, kanskje litt kjipt ynskje, men det er endå kjipare å kjøpe seg sokkar sjølv.

Av og til er eg litt sånn at eg vil spele PS3. Og veit de kva? Eg har jo ingen spel. Kva spelar eg, lurar du på då? Eg spelar demospelet av Little Big Planet - som er gratis. Eg berre digger den bamsen som skal redde verda:)

Også var det den ugle-lampa frå Kremmerhuset då, som eg fekk klar beskjed om å ikkje kjøpe fordi den kunne vere aktuell å få i julegåve. Og eg kjøpte den ikkje. Og no finn eg den ikkje att på butikken. Å, eg klarer ikkje å gløyme den ugla, håpar håpar håpar den ligg under juletreet i år.

Biletet er henta frå her

Elles er eg veldig glad i bøker og har store planar om å lese alle verdas bøker, men dei siste åra har det gått i faglitteratur, og når eg har ferie blir det ikkje lest noko særleg - diverre. Men eg har intensjonar om å lese mykje i framtida altså.

Eit nytt objektiv på kameraet mitt hadde også vore noko, men det har eg ikkje råd til å ynskje meg - trur eg.

Også har eg eit stort behov for eit sånt pelspledd som ser ut som eit pelspledd. Det må ikkje sjå ut som eit liksompledd. Men det skal vere eit liksompledd og sjå ut som eit pelspledd om du skjønar. Aller helst i litt sånn naturpelsfarge hadde vore veldig fint.

Ein stor bakebolle hadde vore noko, like gjerne ein glasbolle som ein tupperwarebowl. Det er eigentleg litt kjekkare å bake i ein glasbolle tykkjer eg, men eg blir like glad for ein tupperware, for den er so himla praktisk og varer heile livet. Ein glasbolle mister eg lett i golvet når eg er veldig sint.

Ei ny lommebok er eit behov. Den eg har no lekker slik at pengane mine faller på bakken og eg ikkje finn dei igjen.

Ein dockstasjon til Iphonen min hadde ikkje vore feil.

Og veit du kva, etter at eg studerte samfunnsfag har eg blitt veldig forelska i globusen. Ikkje fordi eg er so direkte glad i geografi, ikkje missforstå meg her sidan eg skal bli lærar og elskar då sjølvsagt alle faga mine;) Men tenk kor praktisk det er å ha ein globus. I tilfelle ein ikkje klarer å bestemme seg for kor ein skal reise kan ein berre snurra globusen. Og den er jo veldig dekorativ i tillegg då:)

Også er det to brettspel eg har so utruleg lyst på som eg har ynskja meg lenge, nemleg Carcassonne og SCRABLE.

Og visst du kunne klart å ordna snø på julaftan hadde du vore kongen altså, det er so fint med kvit jul og eg innbiller meg at det er veldig lenge sidan vi har hatt det. Med mindre det var i fjor. Eg hugsar ikkje.
Ein ny hukommelse hadde også vore fint:)

Og ja, berre sånn for å setje litt farge på det heile so har eg lyst på ein sånn Rubiks kube.

Dette var min lille beskjedne ynskjeliste til den som vil ha den, eller du kan bruke den som inspirasjon i tilfelle dei kjenner ei liknande Astri.

Stressbølgje.....

2011-12-05T15:06:00.007+01:00

I dag har eg hatt eksamen. Hipp Hurra for at den er ferdig. No må eg ha to timar med pause før eg byrjar på innspurtslesinga til eksamen nr.2 som er i ***wait for it*** i MORGON.

Og guess what, eg har ikkje opna ei samfunnsbok på ei heil veke!!..... Fordi eg har prioritert dagens eksamen..

Dette blir min dag i dag:

~~kl.06.00: Rise and Shine. pugging av siste rest.~~

~~kl.09.00: Eksamen~~

~~kl.14.00: Heim. Middag. Powernap.~~

kl.16.00: Pugging av Sovjetunionen (gambler og droppar emnet!!oioioi)

~~kl:19.00: Pugging av Norsk etterkrigshistorie~~

~~kl.19.30: Hotel Cæsar (pause)~~

~~kl.22.00: Pugging av det politiske systemet~~

~~kl.01.00: Pugging av økonomisk geografi~~

~~kl.02.00: Pugging av kartlære~~

~~kl.03.00: Pugging av Demokrati~~

kl.05.00: Repetering av norsk etterkrigshistorie+sovjethistorie+økonomisk geografi (rekker ikkje)

kl.09.00: Eksamen

kl.16.00: Sjukebilen ankommer Høgskulen i Volda. Måtte ho kvila i fred.

Misunneleg?

Går det an å kome seg heilskinna gjennom dette opplegget?

Gje meg styrke!..

Oppdatering kl.08.17: Styrke fekk eg, men eg gløymte å be om hjerne.. Dette kjem til å gå i same "retning" som slipset.

Oppdatering kl.14.20: Eg trengte ikkje den sjukebilen likevel. No er det one day off før det brakar laust til den siste eksamenen :)

At school by night

2011-12-03T23:02:00.000+01:00

FREDAG

2011-12-02T14:16:00.001+01:00

Herleg dag.

Eg vakna til eit iskaldt rom med eit iskaldt golv, so det gjeldt å søkje dekning på eit varmt bad med eit varmt golv. Då eg opna kjøleskapet for å finne frukost var der usedvanleg godt utval i pålegget. Vi snakkar skinke, kvitost, brunost, leverpostei, agurk, syltetøy, kaviar. Og eg fekk sjukt lyst på kaviar - både fordi det inneheld omega3 og fordi det er veldig godt på kokt egg som er rikt på protein. Trass skinker og oster, fekk eg lyst på egg. Dermed kokte eg meg egg, trakta kaffi og laga til ein snydens god frukost. Ein god start på dagen gjer underverker, er det ikkje det dei seier? Eg er vertfall godt i gong med dagens eksamensførebuingar. Og veit de kva? Det har lagt ned mykje snøv i natt og i dagtidleg. So no er det heilt kvitt her i Volda. Kvitt og kaldt. Og med peparkake, lyskule og lyskrans i vindauget (litt alternativt - kor er stjerna og staken - jo, dei var for dyre på butikken;) og med tjukkeraggar på føtene og kaffi i kroppen - so er livet heilt utruleg bra akkurat no. Ikkje eingang eksamenslesinga set ein stoppar for det. Det var so fint her heime at eg ikkje ville gå på skulen for å lese ;)

Håpar du har ein like fin dag!

JUL I VOLDA < 3

2011-11-30T00:27:00.003+01:00

2011-11-29T13:49:00.001+01:00

Sidan det er harde tider med eksamenslesing og lite anna, tok eg med den friheit her ein kveld og surfa litt etter juleklede. Eg veit. Forfengelegheit. Men vakre ting lyser opp kvardagen altså, vertfall no når alt er so grått. Det er små fine ting som gjer at eg smiler, om det so er ein fin kaffikopp, ein god te, ein sjokolade, eit sokkepar, eit fint bilete, ein tøff bil på vegen. Ja, det meste eigentleg. Det er kanskje litt **kremt** materalistisk og alt det der, men la gå.

Det er vel ikkje heilt uvanleg å premierer seg sjølv litt etter fullførte eksamenar - når den tid kjem? ;)

Endeleg

2011-11-29T13:14:00.000+01:00

I dag skal eg levere inn alle produkta eg har laga gjennom hausten. Rapportane er skrivne, etikettane er klare. No er det berre å vente på ekspresslevering frå Vigra fordi enkelte klarte å springe frå kassa med alle produkta i trappa heime på Vigra då ho var heime i helga. Og skal det nemnast at ærendet denne helga nettopp var å hente desse produkta? Men det ordna seg heldigvis:)

No gjenstår det berre å lese, lese og lese. Hei, Sovjet - lenge sidan sist, no! Her blir det hardkjør heile freaking veka og helga.

PS: eg skal ha laks til middag i dag, fordi eg trur eg får behov for Omega3 denne veka. Viktig å fore hjernecellene veit du ;)

HAVE YOU MET BERIT...

2011-11-25T18:44:00.000+01:00

Her kjem 1000-vis av bilete av Berit sine herjingar på Blimdheimskaia, eller, NordomNausta som vi kallar det. Det var innimellom gjærbakst og eksamenspugging eg våga meg ut i styggeveret og knipsa. Eg er heilt salt av all vasspruten eg fekk på meg. Håpar verkeleg ikkje nokon skal leike tøffe og utfordre Berit på sjøen, for denne dama var det kraft i altså. Ferjene er innstilt og bussane står stille (ynskjetenkning frå mi side), dermed er eg vérfast på Vigra i helga:P

Bølgjene var store og våte, det flaug tare og sand og blad og mykje anna rusk som låg i vegen for stormen. Når eg slikka meg rundt munnen er eg salt. Og då stod eg nokså langt i frå der den verste brytinga føregjekk.. Tenk på Alnes då.. Der må det vere heftig no!

Det er den tida..

2011-11-24T01:14:00.001+01:00

Dette er den tida på året der du...

- drikker omtrent 1 liter kaffi kvar dag
- du får skallebank om du ikkje drikker 1 liter kaffi kvar dag
- du har lemus på eine auget fleire dagar i strekk. utruleg irriterande.
- du slit med å fokusere når du køyrer bil i mørkret
- du veit ikkje kor gamal du er dersom nokon spør deg.
- du har poser under augene som er større enn IKEA-poser..
- du har full kontroll over kva som er i kjøleskapet og evt kva som IKKJE er der.
- du føler at rumpa di har forma seg etter stolen. eller stolen har forma seg etter rumpa.
- du har ikkje behov for å kike i spegelen...
- du eter altfor mykje sjokolade og anna snop, fordi det er "lov"
- du oppdaterar statusen på facebook kvar time for å informere venar om at du "leser"
- du leser statusane til vener som også "leser" (på facebook altså)
- du har full kontroll over klesvasken. Klesskapet er strøket, med brettekanter og allting. Kjøkkenet er nyvaska og shina. Badet er shina.
- du oppdager at det er mystisk mange hjarter og blomar i notatane dine, og du oppdagar bokstaver og tall og eg veit ikkje kva som du ikkje hugsar at du har skrive eingong!...
- du føler at du ikkje er med på verdas runddans
- du har eigentleg mest lyst til å trykke på "skip"-knappen og spole fram til jul.
- du har kanskje mest lyst til å leggje deg under dyna og ligge der fram til jul.
....eller dra den heilt ut og berre... rømme frå heile verda og oppdage ein heilt ny verd der det ikkje er noko sånt stress og press og mas og jag. Berre såpebobler og luftballongar og morellebær og italienske isbarer....

GUESS WHICH TIME IT IS????

Full rulle...

2011-11-23T23:14:00.001+01:00

Nokre timar med 2 born i huset = full aktivisering. Lego, gøyme og leite, puslespel, teikne, klippe, lime, pynte juletre-plante, lage pynt til juletre-planta.. haha.. Ja, kva skal ein seie? Borna gler seg til jul:P?

Gjer det sjølv

2011-11-23T22:50:00.000+01:00

Kanskje eit lite julegåvetips for trange lommebøker?

Desinfiser ei glasflaske med kork ved til dømes å koke den. Putt ymse krydder du ynskjer i flaska, som spansk heilpepar, kvitløk, timian/rosmarin og Chili. Hell over olje. Eg vil anbefale Rapsolje sidan dette fungerar fint som ein slags "marmelade" og er godt å steike kjøt i. Rapsolje er vel den olja som tåler varme best (saman med solsikke og soyaolje). Men Rapsolje har også litt vitamin som er bra - om vi skal samanlikne dei ulike oljene). Olivenolje er best til bakst(pizzabunn, foccacia) eller salatar. Tilpass då "krydderet" du puttar oppi.

Flaskene er kjøpt på Åhlens for 29 kr. Lat olja stå eit par veker og trekke inn smaken:)

progress

2011-11-20T23:17:00.000+01:00

Eksamenstid sa du? wæææh, det er denne tida ALT anna er soooo mykje kjekkare! Det er på denne tida eg alltid har lyst til å strikke, måle, teikne, vaske bad, avfeitte kjøkkenvifta - ja, absolutt alt anna. I heile haust har eg og Liv Berit snakka om å ha ein teiknekveld, men kor tid passa det aller best trur du? Jau, netopp. Under eksamenstida vel ;)

Liv Berit er dronninga av kolteikning. Eg har aldri prøvd denne teknikken før. Det vil seie at eg har teikna med kol før, men ikkje på denne måten. Ikkje er eg noko særleg glad i å teikne portrett heller.. Det er ein grunn til at eg alltid plasserar solbriller eller brukar dramatiske/psykotiske uttrykk på dei ansikta eg har måla til no. True story! kanskje eg skal syne fram nokre crazy portrett eg har laga i si tid..

Men no veit du. No laga eg eit portrett på fri hand, ved å berre sjå på eit bilete. Eg brukte ikkje kopimaskin eller overhead eller matpapir for å teikne opp konturlinjene..

Sånn ser det ut no. Blir nok ein teiknekveld til for å bli heilt ferdig... For det er mykje detaljpirk som gjenstår ;P Utsetter det verste tilslutt veit du!.. tehe..

No skal eg berre lese littegrann også skal eg køye, har vore på kino i kveld so har ikkje vore so ivrig student for å seie det slik.. Twilight.. Heilt OK.

Men spenningskurva var omtrent slik:

___--------------------------------

2011-11-18T12:59:00.002+01:00

Totalt klementinkonsum i dag:

l l l l

(oppdaterast kontinuerleg)

På skulen

2011-11-17T17:00:00.001+01:00

12 forventningsfulle studentar trippa inn på skulekjøkenet i dag. Dette var dagen mange hadde venta på; den store LEFSEDAGEN. Det einaste som kan toppe denne må vere julesamlinga vi skal ha om nokre veker, der vi skal lage julemat! Vi kan vel kalle denne samlinga ei slags forbereding til jul? Lefser er jo tradisjon til jul - blant anna. I dag brukte vi oppskrifta til kokkeprofessoren vår, og eg kan med handa på hjartet seie at... eg har smakt betre :P haha... Bestemor sine løfser toppar alle lefsehøgder. Men dette er i følge kokkeprofessoren vår noko ALLE seier. Det har med smaken og baken vår å gjere og kva vi er vande med.

Vi laga flatbrød også. Dei skal eg pakke inn i fint gråpapir og knyte ei raud sløyfe rundt og gje til bestemor og bestefar x 2 i julegåve ;) I år blir det mykje heimesnikra julegåver. Berre gled dykk!

hoho

På veggen heime..

2011-11-17T16:50:00.000+01:00

Astri sat ved spisebordet heime i Tørneset. Plutseleg la ho merke til noko litt kjent på veggen. Ho måtte myse litt, for dette var det leeenge sidan ho hadde sett. Kunne det vere..?.. Kva i alle dagar? Ho kika seg rundt for å finne det som eigentleg brukar å henge på veggen over spisebordet. Det hang på ein anna vegg.

Mamma!!! bildet mitt!!

De har sett ramme på det??..

haha, de er galne.

Dette er eit nokså stort måleri, A1. Eg målte det då eg studerte Kunst & Handverk i Bergen i førfjor og eg har heilt gløymt både dette måleriet og alle dei andre, so det var både gøy og stort å sjå sitt eige måleri på veggen med ei kostbar ramme ;)

KVELDSSTEMNING

2011-11-10T23:44:00.000+01:00

Ferskt brød er noko av det beste på jord. Å, du herlege karbohydratar!!

Ingen tullete lavkarbolivstil hjå meg, det kan du vere sikker på. Ja, eg meinar den er nokså frynsete i kantane den livsstilen på enkelte områder. Men uansett, det var ekstra fascinerande å gafle i seg fetaost og oliven når du les om feittsyrer i pensum. So eg fekk meg liksom ikkje heilt til å ete opp alle ostebitane;) Eg er på ingen måte blitt ein fanatikar, berre ein bitteliten smule livsnytar som må byrje å leggje inn årene, før årene leggjer inn meg. Haha.

Neida, måtte berre slå til med eit slags ordspel.

(les:åreforkalking;)

Mmm, dette var vertfall ein god kveldsmat;)

Ha ein finfin kveld!

Min framtidige leiligheit;)

2011-11-09T00:13:00.000+01:00

Når eg blir stor og sterk og arbeider so mykje at eg kan kjøpe meg leiligheit, ja, då skal eg kjøpe meg leiligheit. Eg har bestemt meg for Ålesund sentrum. Men kva som skjer før den tid er det ingen som veit. Men denne planen ligg og svevar i lufta, og det er godt å ha ein plan.

Eg skal bu i ei loftsleiligheit med fine gamle bjelker i taket. Skrå tak med takvindu slik at eg kan sjå månen og telje stjerneskot når eg skal sove. Denne leiligheita skal vere eit lite skattekammer. Ingenting er linjert og sirleg plassert. Du kan risikere å gå forbi ein fin kjole som henger på veggen, den kan vere gamal den kan vere ny. Men den er sikkert fin fordi den henger på veggen. Døra inn til stua knirkar fordi eg ikkje har prioritert å kjøpe smorning til å fikse hengslene, når du kjem inn på stua blir du ståande og kike litt og prøver å finne ein bestemt ting å feste blikket på. Men det er vanskeleg fordi der er so mykje rart. Mange snurrevippar og pepetittar(?-kva er det..) eg har teke med meg frå alle mine store reiser i utlandet og fordi eg har leita etter skatter på bestemors loft. Du snublar forbi nokre sko som ikkje er para, og tenkjer at desse brukar ho aldri fordi ho er so høg - dei er nok berre til heimebruk, og eg seier at du har so rett so rett. Og der står ho og lyser, den kulaste ugla du har sett. Den har pære inn i seg. Du flirar litt og spør om det er mogleg. Plutseleg ser du ein trehovuda lampe og du går bort til den og tenkjer at det må vere det styggaste du har sett. Men so lener du litt på hovudet og ombestemmer deg, fordi denne lampa er nemleg kul. Også tek du eit steg tilbake og nei, den lampa må vere det styggaste på heile jord. Du har bestemt deg. Du snur deg til lampa og tenkjer; "slutt og plag, meg lampe.". På det rare runde bordet er det bokhyller inni under - om du skjønar. Det har hjul og er sikkert ofte på ein snurr. Oppå bordet står det rykande fersk kaffi og det luktar nyyydeleg godt. Du set deg i den turkise sofaen frå 70-talet og tek ein slurk kaffi. Og då ser du den. EGGET. Arne Jacobsen sin designperle. Ikkje veit du at eg brukte nesten to månedsløner på å betale den. Men det må vere det finaste møbelet du har sett på jord. Den trehovuda lampa er gløymt. Du kikar ut av vindauget og ser på folket som hastar seg fram i gata, nokon berer på handleposar, andre drikk take-away-kaffi, enkelte snakkar i mobilen, to stykker omfavner kvarandre. Mykje å sjå på frå denne lille perla av ei leiligheit i den urbane lille byen Ålesund.

mør

2011-11-07T01:35:00.001+01:00

Det er ikkje til å legge under ein stol at eg er verdas dårlegaste bloggar for tida, eller, ikkje berre "for tida", men i heile haust! Tida fyk avgårde og kameraet er aldri i nærleiken av meg, og ikkje har eg brukt ein einaste kalori på å ta bilete i haust heller... Stakkars kameraet mitt, det har det sikkert ikkje so godt ned i skuffa mi.

Det var historia om kameraet mitt og kor det bur for tida. I dag har eg vore hjå bestemor og laga mør - morr - mår - spekeåpølse - du veit, kjært namn.......

Det vart nokre meter som no henger til tørk under taket. Eg håpar dette prosjektet blir vellukka... For det var meeeget dyrt å KJØPE kjøt til dette formålet. Her i familia kjøper vi nemleg aldri kjøt - eller fisk for den saks skuld :P Det er sånt vi hentar frå skogen og frå havet... neida, jauda.

2011-11-04T22:29:00.002+01:00

HURRA:)
No er eg så glad!!
Eg trudde nemleg at eg hadde spunne med i eit gedigent konglevev når det gjeld ein viss eksamen eg ville kaste til Pisa, men som kom dundrande tilbake i retur. Midt i trynet. Eller eg var forberedt på den baksmellen. For eksamenen må jo i det heile tatt takast. Nyttar ikkje å vere struts og gøyme hovudet i sand og håpe på at eg klarer å lure meg unna... ;)

Ein av grunnane til at eg valgte dette studieåret med Mat og Helse var for å rydde opp litt i vitnemålet mitt, sidan vi har lite obligatorisk undervisning. Forhåpentlegvis vil eg få tid til å lese på nokre ekstra fag i tillegg?

No til jul får eg ta oppat ein samfunnsfagseksamen og til sommaren får ta oppat ein gamal rotten eksamen frå HiB. Pluss noko småtteri i norsk eg skal ta i tillegg berre fordi eg vil - ikkje fordi eg må. Eller, det vil seie, eg vil ha litt fleire studiepoeng slik at eg også er kvalifisert som norsklærar på ungdomstrinnet.

Alt dette tilsaman blir: 60+15+15+18 studiepoeng. Og det blir nesten TO studier på eitt år!! I tillegg til at eg skal jobbe litt over nyttår - er planen. Vil dette gå bra? ;)
EG ER BERRE SÅ GLAD FOR AT TING HAR ORDNA SEG, for det såg nokså komplisert ut for nokre dagar sidan. Men Astri har vore flink pike og rydda opp.... Hurra!!

So til sommaren er eg ADJUNKT med opprykk med 60 studiepoeng i:
Kunst og Handverk
Norsk
Samfunnsfag
Mat og Helse..

Er ein del fag det, i tillegg til matematikk og RLE som eg eientleg berre kan undervise i på barnetrinnet. Eg trur eg skal seie meg nøgd med denne fagsamlinga mi, og vere stolt som ein hane der eg står med vitnemålet mitt i juni 2012.

DÅ kan eg gjere DET eg vil - det har eg vel forsåvidt alltid gjort. Men no kan eg jobbe heilt sånn skikkeleg, eg kan kjøpe bil.. kanskje eg kan kjøpe leiligheit?
Eller droppe denne kjøpinga og berre REISE REISE REISE og jobbe litt innimellom?..
Å, herligheeeet:)
Eg ser enden!!

2011-11-03T14:10:00.002+01:00

2011-10-31T17:46:00.000+01:00

Skal ej fortelle nokke morsomt?
oss lærte å lage brunsos på skulen i dag!!
Haha..

No skal ej lese litt kjemi-relatert fagstoff på SVENSK. Og ej e ganske oppgitt over svenskespråket. Det er faktisk enklare å oversette engelsk enn svensk. For svensk trur ej liksom at ej kan, mange ord e jo ganske like dei norske. Men det e det so e so skummelt da veitu. For sjøl om enkelte ord e ganske like, he dei ganske ulik betydning. Og det e her stresset ligge. For å komme med nokre døme:
syra = syre
syre = oksygen
undergår = gjennomgå (her e det vel logisk å tenke unngå?...)

For å rette opp i eventuelle missforståingar, so er det språket eg ikkje likar. Og grunnen til det er at eg ikkje kan det - eller at eg "trur" eg kan det. Eg har ingenting i mot svisker **kremt** svensker. Svenskar meinte eg sjølvsagt.

-ciao-

FAILURE

2011-10-30T20:57:00.001+01:00

Litt usikker på om eg skal leggje ut om dagens lille FAIL-prosjekt, sidan mange av mine vener trur eg er MarthASTRI Stewart, vil jo nødig skuffe dere;) Men ja, dagens prosjekt var nemleg å lage brunsos frå skratch. Eg kjøpte ein veldig fin biff frå Kiwi sitt "god helg"-tilbod før helga. Eg brukte lang tid på å finne den perfekte biffen og kika og gravde i disken. Dette skulle bli den perfekte søndagsmiddagen.

Men ein treng ein god sos til ein perfekt biffmiddag. Og eg hadde ikkje noko Toro-soser av noko slag. Jaja, tenkte eg. Kva gjorde dei før Toro og matindustrien tok kontroll over dei arme nordmenn sin matvane? Jau, dei laga jamning- og evt skysosar av steikekraft.

Eg skal vere heilt ærleg og innrømme at eg aldri har laga brunsos frå gunnen. Berre for å heve min eigen status og vise at eg ikkje er heilt håplaus, so har eg då laga kvitsos tusen gongar altså.
Eg har sjølvsagt fått servert heimelaga brunsos opp gjennom barndommen, men tanken om å følgje med på kokeprosessen har aldri slått meg. Jau, eg veit at du gjer som du gjer med kvitsaus, nemleg blande smør og mjøl og få klumpar for deretter å spe det ut. Men med brunsaus sper du ut med vatn og ikkje med mjølk - i tillegg til at du faktisk skal BRUNE smøret og mjølet. Men det var denne bruningsprosessen då. Kor lenge skal det brunast? Det byrja å lukte gamaldags søndag i huset og gryta var temmeleg svidd i botnen. Dette var nok trudde eg. Dermed byrja eg å spe ut med vatn, samt litt steikesky frå biffen som eg steikte.

Eg enda opp med ein litt mørk kvitsos med tusenmillionar små klumpar som ikkje var noko særleg god.
Eg angra på at eg ikkje sjekka i oppskriftsboka mi eller ringte bestemor (dronninga av matlaging) for råd. Eg skulle sjølvsagt vere råtøff og gjere dette på fri humkommelse.

So dagens middag blei biff og ovnsbakte potetbåtar utan sos. Kanskje eit sunnare alternativ då ;) Og forresten det var vel første gongen eg steikte biff også. Og eg tenkte eg skulle steike den litt gourmetaktig med å helle smøret over den medan den steikte seg - og ikkje minst unngå å ihelsteike den. I frykt for å få Hellstrøm på døra - han skyr jo som kjent seigt kjøt. Veeel... Biffen var iallefall ikkje iheilsteikt, tvert i mot. Den blei skikkeleg Bloody Mary på ein dårleg dag. Men det var forsåvidt ikkje noko problem, det var berre å slenge den på steikepanna. MEN det tok meg nokre jafsar før eg oppdaga at biffen var meeeget saftig. So no er eg spent på om eg har yppa på meg matforgiftning ;) Neida, det går nok bra skal du sjå. Eg åt jo trass alt rosa kylling i Kenya.

Eg har ingen bilete til dette innlegget....

2011-10-26T00:53:00.000+02:00

I går var dagen der ting gjekk litt i stå. For det første so forsov eg meg litt, det vil seie at eg hadde god tid, men eg hadde planlagt å stå opp tidlegare. Bussen frå Ålesund til Volda gjekk ikkje før klokka 11. Då eg kom til byen hadde eg ganske god tid, men trur du ikkje at eg somla meg vekk og rakk ikkje bussen? ergo måtte eg ta ein seinare buss. Noko som vidare betydde at eg ville kome forseint til skulen.. Og då eg kom på skulen oppdaga eg at eg hadde gløymt noko vi skulle bruke i undervisninga og diskutere og blablabla om i undervisninga. Og eg berre superstressa sat meg ned på ein PC på datarommet og byrja å lage opplegget som eg gløymte heime på nytt. Eg klussa med PC-systemet (eg har lagt om til MAC-dekk skjønar du) og frustrasjonen steig og klokka gjekk mot 2 timar fråver. Tilslutt berre stoppa eg. Eg streika der og då. Eg tok veska mi og marsjerte til lesesalen og sat der i 5 timar for å straffe vimseheita mi. Litt spesielt å sitja på lesesalen medan det var undervisning og du fekk fråver. Vel, no kan eg ikkje vere meir borte frå undervisninga. Og det må eg berre tole. So no er det 100% frammøte fram til jul. hehe;)

Sånn ellers laga vi mange fiskerettar på skulen i dag. Men vi fekk ikkje lære å filetere og stelle fisken. Det tok sjølvsagt Astri svært tungt, sidan ho eeeendeleg faktisk kunne skillse i undervisninga. Denne jenta har nemleg tatt i ein fisk før. So i staden måtte eg lage fiskekake og vimse som ein gal på kjøkkenet og vere den kjipe usynlege studenten som ikkje var førebudd for verken det eine eller andre. Men fiskeburgar vart det, og den blei god, og oppvasken blei enorm. Thats how it is!....

Berre sånn heilt tilslutt so baka eg sjokoladekake i kveld. Det kom ein gjeng med herlige piker til residensen vår for å sjå Grey´s. Eg har sjølvsagt sett episoda - ja, heile serien frå før (hei internett-streaming), so eg var mest fokusert på å ikkje røpe alt som skjer. Men tilbake til sjokoladekaka. Eg hadde nemleg planar om å lage Nigella Lawson si superduper sjokoladekake med rømme og vaniljeekstrakt. Vaniljeekstrakt er forresten ikkje å få tak i i Noreg - nokon som veit???... Uansett, Astri handla på butikken etter fri hukommelse etter forige gong eg baka denne kaka.. Var det i 2008 mon tru? Då eg kom heim og skulle byrja på kaka oppdaga eg at det einaste eg mangla var natron. Eg var først i ekstase over at eg faktisk hugsa alt unntatt ein pitteliten detalj. Men so kom eg på at det var ein vesentleg detalj denne natronen. Hadde eg vore heime på Vigra hadde eg sprunge bort til naboen og lånt eller køyrt bil til Joker for å kjøpe. Her kjenner eg ingen naboar - faktisk, eg anar ikkje kva dei heiter eingong.. Haha, ikkje noko rart, eg er jo aldri her.. Men uansett.. Butikken er eit stykke å gå, må beregne sikkert 40 minutt fram og tilbake. Og det hadde eg ikkje tid til. Ergo måtte eg finne ei anna oppskrift. Medan eg googla etter oppskrifter fann eg blant anna forskningsartiklar skrive av læraren min i år om natron.. Haha, kva googla eg på lurer du på? "kan jeg bruke bakepulver i stedet for natron?", "hva er greia med syrnet melkeprodukt og natron"... jaaada...

Ja, alt enda med at eg laga ei anna kake enn opprinneleg planlagt. At røra blei for stor og at eg/vi ikkje hadde andre kakeformer enn ei hjarte-form og at eg måtte steike to hjartekaker etter kvarandre der eine kaka stod og venta på ovnen i 30 minutt noko som eg trudde ville ta knekken på hevingsprosessen men det tydlegvis ikkje gjorde det sånn heilt vertfall er ein anna ting. To kaker blei det. To hjartekaker. Og eg berre, kva skal eg med to kaker? HAH, det fiksa eg med å sette dei oppå kvarandre og ha fyll mellom. Det blei ei 15 cm høg hjartekake med fyll inni og fyll utanpå.

FOR ein dag.

I morgon skal eg vere med på å slakte eit lam. Å, kor spent eg er. Kanskje blir det ei avhandling på bloggen om det på same måte som eg klarte å skrive ei avhandling av noko so meiningslaust og innhaldslaust som dei to siste dagane mine har vore.. hehe..

aniskringler..

2011-10-19T23:50:00.000+02:00

Hei Hei:)

Eg er heime på Vigra igjen eg, som om at det var noko å bli overaska over.. hehe.. Eg trudde nemleg at eg skulle yte mine pianoskills i dag, noko eg ikkje behøvde visst.æhhø. Men eg skulle jo heim uansett, sidan det er barnedåp i helga - so heimturen var ikkje heilt bortkasta.. Eg får eg berre vere ekstra struktuert og lese mykje pensum heime desse dagane.. For eg får visstnok nok å lese sidan eg etter nokre telefonar og mailer heldigvis får ta ein gamal eksamen på nytt. Berre fordi eg tykkjer det er so gøy å ta eksamener ;) No gjenstår berre nokre telefonar til Høgskulen i Bergen, så har eg fått det meste av angstframkallande formelle telefonsamtaler ut av verda.. Det skal bli godt. Det er ikkje alltid det er like bra å vere surrekopp... huff og huff..

Elles var eg ein tur på Moa i dag og kjøpte litt duppedittar og gøye ting. Klesbutikker får magen min til å vri seg i protest for tida. Gagh, det er kanskje like greitt. Eg kjøpte litt dilldall til årets julegåveprosjekter, om tida tillet det. På Åhlens var verdas finaste juletre-ugle-kule. ååå, eg hadde so lyst på den. Også fann eg verdas finaste ugle-lampe på Kremmarhuset. Og den skal eg SÅÅÅ kjøpe. Rett og slett fordi det er ei ugle og fordi det er det siste eg skal kjøpe til meg sjølv i år. Trur eg må ha ein by-tur igjen, for eg kjøpte verken Ugle 1 eller Ugle 2... :)

I kveld baka eg aniskringler.

Ver så god, berre forsyn deg;)

2011-10-16T12:23:00.000+02:00

Hei
Eg har oppdatert foto-sida med eit knippe bilete som eg kategoriserar som favorittknips... Sånn ellers har eg kaffi i koppen og sit og les litt gamalt pensum.
Ynskjer deg ein fin søndag!

prosjekt: pop art

2011-10-16T00:09:00.000+02:00

Pop-art har eigentleg aldri vore heilt greia for min del. Men det er jo kult, tenk at vi får so mykje ut av skuggane liksom. Med supermasse kontrast. Og når ein tenkjer pop-art so tenkjer ein automatisk på Marylin Monroe, Audrey Hepburn og alle dei andre klassiske gamle Hollywoodheltane. Litt oppbrukt, kanskje?... Ikkje veit eg. Men eg tenkte at eg skulle måle mine heltar, og det er nemleg Meryl Streep og Colin Firth, sistnemnte helst i rolla som mr.Darcy ;)

Eg fann nokre bilete som passa som pop-art på verdsveven og køyrte dei i filteret på GIMP, og då fekk eg desse resultata. Meryl Streep var forresten ferdigpoppa, eg berre redigerte det litt..

Eg kjøpte to lerret på Europris i dag, og det eine har eg brukt i kveld. Meryl prydar det. No gjenstår det å sjå om eg målar Colin på det andre lerretet eller om eg målar noko anna på det - kanskje i morgon?...

Eg skal legge ut bilete av Meryl Streep i morgon. No er det mørkt, so det er umogleg å knipse.

animasjon:)

2011-10-15T23:59:00.000+02:00

Eg kjøpte meg plastalin her ein dag, og i dag måtte eg berre gjere eit forsøk på å lage ein pittliten animasjonssnutt. Hehe.. Forbetringspotensiale, seier du? Heilt einig, svarer eg;)

bablete skriving..

2011-10-15T00:17:00.001+02:00

Hei no er eg i Volda og det er helg! wow. sjeldan kost! og her blir eg til....tysdag trur eg. vi har eit spanande kor-prosjekt heime, og eg er so heldig å få vere med på det. som pianist. den rolla tok eg på meg før fornufta tok tak i meg, ja, ikkje berre fornufta, men også realiteten. for veit de kva, eg er ikkje noko pianistmateriale. ja, eg kan klimpre litt her og der på pianoet og få det til å høyrast OK ut medan enkelte syng, men ein kor-pianist skal jo helst vere litt proff og kunne nota og sånn. for det stakkars koret skal jo lære stemmene sine og då må pianisten kunne notane på F-nøkkelen og det gjer ikkje eg. eg lærte piano i tre år før eg slutta fordi eg ikkje var flink nok til å øve og både eg og læraren min var lei av at eg ikkje øvde. og eg ser no at eg må øve, og det får meg til å sjå litt svart på heile greia. men ja, ok, pianist. eg er visst pianist. oi.

og grunnen til at eg fortalde om kor-prosjektet var for å forklare kvifor eg blir i Volda til tysdag over helga. no blir det nemleg slutt på helgapendlinga mi, for no blir det midt-i-veka-pendling. i prinsippet kan eg faktisk lett vere heime frå tysdag og heilt til søndag, fordi eg berre har skule på måndagar og tysdagar som regel. men sidan eg har leiligheit i Volda, blir det for dumt å berre vere her i to dagar. so difor brukar eg endå meir pengar på å pendle liksom. logisk? overhovudet ikkje. men eg likar meg i Volda og er eigentleg blitt avhengig av å bu for meg sjølv. so logikken kan berre gå og legge seg.

elles har eg vore på skulen i dag, på ein fredagskveld. og vi hadde førelesningar om ***hald deg fast*** SLAKTING!! vi skal nemleg lære å flå eit lam og partere det. æsj tenkjer du. naturleg svarer eg - eller ja, heilt ok liksom. men det at vi skal lage blodpudding og koke hovudet til lammet etterpå er eg pittelitt meir skeptisk til. eg likar ikkje blodpudding veit eg. og kan ikkje sjå for meg at hovud er noko særleg til delikatesse. personleg meinar eg at Voss burde revurdere sin lokale spesialitet. 20 poeng for kreativitet fotjenar dei so absolutt. haha, neida, no strider eg mot alt vi lærer om dei fantastiske lokale tradisjonane!! og at det er dette som gjer den norske kulturen so rik og blablabla... Vi likar tradisjonar og vi likar kulturar og vi likar lokalsamfunn. sånn er vi oppdratt. eg og. so eg berre tulla litt med Voss.

og berre sånn for å seie det so kom læraren min med utallige gullkorn i dag og eg noterte dei ikkje. søren, no har eg gløymt mesteparten nemleg. eg brukar vanlegvis å notere sånne gøye ting. men jo, eg hugsar ein ting. og det var på slutten av undervisninga. klokka nærma seg 19.00. og læraren berre: "ja, dette er vel siste sliden av powerpointen min. nei, oi, her er fleire. SØREN!" haha, eg syntes den var so knall. Fredagskveldar er nok ikkje eigna for førelesningar for verken professorar eller studentar...

klarer du å lese mellom linjene at eg har ei frykteleg dårleg haldning no? ja, eg er stuptrøytt og ruslar mot bingen når sekundvisaren er ferdig med runda si på den store klokka som krevjer den eine stueveggen. æsj, no har sekundvisaren passert denne runda for lenge sidan fordi eg såg ein stor skriveleif i teksten.
godnatt. ps: grammatikk og storbokstavetterpunktum eksisterar ikkje i kveld.
Bilete tekne i Ålesund by her ein morgon eg venta på min elskede buss:

Inspirasjon til haust;)

2011-10-10T01:01:00.000+02:00

Jedda, eg er ingen motebloggar, og kjem aldri til å bli det. Men det er so mykje artigt ein kan lage, og mykje inspirasjon å finne på det store internett at eg må berre moteblogge litt i kveld. Personleg vil eg nok ty til heimestrikka hue og vottar og boblejakke og stabile vintersko med max bakkekontakt i haust.

Men dersom eg hadde budd i NYC hadde eg kanskje blitt smitta av fashionistakulten. ..og hadde eg budd i Afrika hadde eg ikkje trengt noko av dette i det heile:)

Uansett, hausten i år trur eg blir lang og hard og alle og einkvar burde kanskje invistert i ein anti-depresjon-lampe. For min del blir det nok ein del pendling og hardlesing framover no - so eg vil nok ikkje merke verken ver eller dagslys eller temperatur. inkludert straum i leiligheita er ganske smart;) Starting tomorrow - kva angår den hardbarka lesinga.

PS: er det nokon som kjenner nokon som kjenner nokon som veit om noko spanande prosjekt i Afrika? helst på aust-kysten der engelsk er mycket utbreidt.

DONUTHOUSE

2011-10-04T01:13:00.001+02:00

Ikkje smultring, men donut.

Den er ikkje kokt i smult, den er steikt i bakeovnen.

Eg brukte norgesglas og eit eggeglas for å stikke ut donuten og holet i midten.

Det var ei veldig fascinerande (my favourite word!) deig med gjær, og eg må ærleg innrømme at eg ikkje hadde trua på denne baksten medan eg laga deiga. Etter at deiga var godt rørt(!) so skulle 2 egg tilsetjast.. Berre sånn heilt tilslutt liksom.

Hadde eg baka dei litt tjukkare og latt dei heve pittepittelitt lengre, so hadde desse vore sånn skikkeleg fine Donut som du kan kjøpe på butikken med sjokoladetrekk eller ikkje sjokoladetrekk...

Oppskrifta fann eg hjå Passion4baking.com; den sjukaste bloggen på jord. Der er so mykje godt og fine bilete av endå finare kaker, at eg kan sitja og stire på skjermen i timesvis og prise meg lukkeleg over at eg ikkje er med i lavkarbo-klanen. Eg fulgte nesten oppskrifta. Men sidan Joker ikkje hadde vaniljepudding-pulver(?), so triksa eg i litt vaniljesukker istadenfor og sa "hokuspokus - måtte du bli like god fordiom".

Eg pynta med sjokolade og melisglasur og kanelogsukker. Sjokolade var enkelt. Litt meir styr med melisen, fordi den skulle lagast av safta av 4 bringebær. Det vil seie utan steinar. Og eg berre. Korleis får eg ut steinane frå bringebæra?.. Vi har ikkje fin nok sil her i huset vertfall. Ergo skviste eg bæra med ein gaffel og hadde det oppi eit kaffifilter oppi eit glas og lot bringebæra "trekke". Det var skikkeleg tråleik over denne prosessen, ergo køyrte eg heile trakta mi inn i mikroen og kokte bringebæra skikkeleg opp. Og safta berre silte ut. Suksess. Einstein is my granduncle!

ungdomskveld

2011-10-02T15:46:00.001+02:00

Dramastykke om Samson og Gideon. Ein ivrig gjeng dramatiserte dei to bibelske karane.

Ein kjekk kveld i går.

Filisterane..

Samson som forelska seg i ei filisterkvinne...

Samson som bruker sine store musklar til å rive ned tempelet.. J og OV er tempelsøyler..

..og tok med seg 3000 filistarar i øydelegginga..

Her går Gideon i krig med faklar og leir-kar..

Knus

God innleving!.. litt å rydde..

30 kroners biltur..

2011-10-02T15:15:00.001+02:00

For to dagar sidan kom mamma, Sonia og Anna Sevrine til Volda for å besøke tante Astri. Sidan det ikkje var so mykje å finne på i huset til tante, bortsett frå å leike med Sandra sitt treningsutstyr (les: pilatesball - kjempegøy!) tok det ikkje lang tid før vi tok turen til sentrum og vidare til Amfi Ørsta. Der var ein sånn ein fine bil ein kan putte pengar på og trykke på knappar og lyset blinkar og bilen ristar. Denne bilen var som magnet på Anna, og ho sprang bort og putta på ein gullpeng ho hadde i lomma si. Det vil seie, ho putta først på ein femtiøring 2-3 gongar der pengen kom utatt kvar gong. So sa tante at denne bilen berre ville ha gullpengar. Men det var ikkje noko problem, for Anna hadde ein gullpeng; nemleg ein tiar. Ho putta den på og trykte på start-knappen. Eit overintelligent barn? eller har ho berre gjort dette 10000 gongar før?.. Etter ein tur. Leita ho etter meir pengar i lomma si. Og fann femtiøringen igjen. Putta den på. Den kom utatt. Også fann ho ein tjuar. Og eg berre; neeei, den må du ikkje putte på. Det blir for mykje pengar.. Gullpeng sa Anna. Det kosta 10 kr for ein tur, og du fekk tre turar for 20 kr. Og eg berre tenkte aktivitet aktivitet aktivitet. Jenta blir aktivisert. Kjør på. Og Anna putta på tjuaren sin og gav full gass. Etter 5 minutt hadde lille Anna brukt 30 kroner på å kjøre bil. Men det var hennar eigne pengar. Men berre for å berolige deg, so tok det nok ikkje lang tid før lomma hennar var full av pengar igjen.. Jenta har skills (her skulle stå eit hjarte - men det kom berre rare teikn. Men uansett; HJARTE)

SOPPESUPPE!!!

2011-09-30T01:19:00.002+02:00

Just kidding.

Denne soppen er farleg.

Men veldig fin.

Confession of a...

2011-09-28T00:32:00.001+02:00

teenage dramaqueen. Stryk tenåring. Den tida er ~~dessverre~~ over.
Nøkkelordet i dette innlegget er uansett "confession", så ikkje heng deg opp i detaljar.
No for tida er eg heilt åleine i det store ~~huset~~ leiligheita i Volda. Sandra har stukke av til London, men det er heilt OK, fordi ho har lova meg å ta med seg prins William heim. So medan ho er borte har eg låst meg inne i leiligheita og blitt skikkeleg paranoid og redd for både skumle naboar og spøkelser. Og det verste er at eg har ein del fri for tida, so eg har tid til nettopp det å vere heime...åleine. For all del. Sidan eg ikkje tør å gå ut av døra, må eg leve på det eg (og Sandra) har i kjøkkenskapa og kjøleskapet.. I stad åt eg 5 gulrøter med rømmedipp. Du blir forresten litt rar i magen av å ete sååå mange gulrøter. Tidlegare i dag "maula" eg ei maisboks. Men det var ikkje så godt i seg sjølv, så eg hadde på litt rømme og pepar. Det var framleis ikkje det beste eg har ete. Også har eg ete opp bollane eg baka i forige veke.. No rappa eg akkurat ei cola frå Sandra sitt matlager. I går tok eg appelsinjuice. I helga drakk eg opp mjølka hennar. Og på fredag åt eg noko av brødet ho la igjen før ho dro til London. Brødet var på ein måte greit, for det blei jo mygla dagen etterpå. Og mjølka hadde blitt sur før ho kom heim uansett. Men juica og colaen og nugattien derimot..

Desse confessionane skriv eg her rett og slett fordi eg må hugse kva eg skal kjøpe og skjule spora mine før ho kjem heim. Eg gruar meg litt til denne handelen, for det er ikkje akkurat FirstPrice appelsinjuice og FirstPrice cola eg må kjøpe. Men ein dansk spesial Premium appelsinjuice (som forøvrig er den beste juicen eg har smakt) og argaste CocaCola.. Dette blir dyrt.

Nei, det er kanskje på tide å overvinne denne paranoid-galskapen min og kome meg på butikken i morgon for å kjøpe eigen mat. Det løner seg ikkje å låne over tid ;) ....

Ha ein finfin kveld!! Eg nyter kvelden med eit glas coca cola! (noko eg nesten aldri gjer;)

Dagens syslar..

2011-09-26T21:26:00.001+02:00

Det klødde litt i fingrane i kveld. Eg måtte berre klatte litt måling på det einaste papiret eg hadde for hand; nemleg avispapir.. Jaja..

Får håpe det blir likar i morrå..

Blomster:)

2011-09-25T18:12:00.000+02:00

Anne kom og henta meg før vi dro på Bygdetunet i dag, og gjett kva ho hadde med seg???

Den finaste haustbuketten!!

Å, eg blei so glad! Det er so sjeldan eg får blomar, at eg visste nesten ikkje heilt korleis eg skulle ta i mot dei!.. hehe..

TusenTusen Takk!!

Dei står kanskje ikkje heilt til sin rett her, trur eg må pakke dei ut og finne ein betre plass til dei:)

Ha ein fin søndag!!

Bygdetunet

2011-09-25T18:00:00.000+02:00

I dag har klassa mi, saman med Haualeitet i Volda vore ansvarlege for open dag på bygdetunet. Vi var ulike grupper som laga ymse mat frå den norske tradisjonelle husmannskosten. For å nemne noko; potetkake, natronkake, eplesaft (den var gooood), pinnebrød, urter, laks, grilla grønsaker. Her fekk barna (og enkelte bestemødre) lage mat og ikkje minst smake maten. Trur det var stor stas for enkelte. Vi hadde det veldig kjekt, og var godt nøgde med tilbakemeldingane og oppmøtet.

Det var nok enkelte eldre damer (og menn) som sette meg litt fast når dei spurte og grov om tips til å lage potetkaker. For deira var nemleg ikkje så gode, dei var seige eller tørre eller harde.. Og eg som berre har laga potetkaker EIN gong før berre: "æææh...".

Men klarte å ro meg greitt gjennom dei fleste spørsmåla, det var jo litt greitt å få diskutert litt og kome fram til ei løysning i lag:P Men alle skrytte av potetkakene. hehe. At noko so stusseleg og enkelt som potetkake kunne gjere so inntrykk på folk var berre gøy!

Det kan sjølvsagt ha litt med miljøet å gjere at dei blei so gode. Vi var jo i ei gamal stove frå 1800-talet, innreia med tidsriktige "møblar" med fyr i gruva og allting:)

Forberedelser på gang.

Sa nokon røykstove? Gløymte å opne takglugga. Kols var nok eit utbreidt problem før i tida..

Røyk ja.. Ser du glugga i det fjerne? :P

Leif Rune klatra på taket og fekk ordna saka.

Baking på høgt nivå!

Smaksprøve må til:)

Anne tok seg ein velfortent pust i bakken:)

Fredagsjåleri

2011-09-24T12:56:00.001+02:00

Var på konsert med Erik & Kriss i går, og det var utruleg bra! Beste konserten eg har vore på her i Volda vertfall. Volda er ei lita bygd, men bygda har draget på musikarar! hehe..

Det er jo strengt talt ikkje den beste musikken på jord, for å vere ærleg so kan eg berre 2-3 songar. Men dei tok heilt av, og det var gøøøy! Plutseleg kom det flammar på scena, også skaut det litt pongpongar, eller kva det heiter. Sånne rør som skyter papirstrimler.

BLOGGBOK!

2011-09-23T12:56:00.000+02:00

Heile freaking gårsdagen og ein del av natta gjekk med til dette bokprosjektet. Eg tok på meg det ærefulle oppdraget med å lage til bloggen vår som bok. For å seie det slik, so trudde eg at det var mykje lettare og raskare enn det det eigentleg var. Men du veit, perfeksjonen tok overhand. Men eg er nokonlunde nøgde med lay-outen. Enkelte sider var ikkje så fine - sånn reint lay-out-messig, men det var store begrensingar med programmet eg brukte. So det er ikkje berre min feil ;)

Boka er vertfall bestilt frå USA og kjem i postkassa mi om nokre veker:) Heldigvis er det ikkje toll på bøker, dermed slipp eg unna den u.b.e.h.a.g.e.l.e.g. tollsmellen eg gjekk på sist eg handla over internett ;)

gøy:)

2011-09-19T23:33:00.001+02:00

Ej bare digga sånne snodige filma.

Sjå ka gøy da!

GoD kVeLd:)

2011-09-15T18:09:00.000+02:00

Aldri skriv to L-ar i aldri. Og alllllldri ta eit djupt åndedrag over ei kasserolle med kokande eddiklake til sylteagurkar. Det reiv verkeleg gjennom heile kanalsystemet.

I dag har eg laga sylteagurk. Det gjorde eg ved å blande 3 ulike oppskrifter frå ulike stadar på verdsveven. Saken er at eg tenkte at å ta det beste frå kvar oppskrift måtte bli "the one" sylteagurk. Neida, det er ikkje grunnen. Saka er at enkelte ingrediensar er umogleg å få tak i i Volda. For det første so fekk eg ikkje tak i nøkkelproduktet; slangeagurk. Dermed måtte eg bruke vanleg agurk. Dette var det første brotet på oppskrifta. Ikkje fann eg peparrot, spansk pepar, solbærblad eller dill-krone heller. Det beste hadde vore å kjøpe eit ferdig "pickles-krydder", men det var ikkje å få tak i det heller.. hehe..

Med andre ord er eg meget spent på korleis dette går. WOPS, gløymte eg å fortelja at eggløymte å la agurkane ligge i saltlake natta før?.. Det einaste eg hadde tid til var å la dei ligge ein god time.. Men saltlaken var ekstra salt altså. Så satsar på at det gjer susen. Meeen, eg er litt spent på om det står seg lenge, sidan agurkane ikkje er kokt eller noko... og laken var byrja å bli kald då eg helte den på det siste glaset, so det seiler nok sin eigen sjø om 3 månadar..

Eg veit ikkje kva som er verst. At eg må smake på dette heksebrygget om 3 månadar eller at eg må dokumentere kva eg har gjort... Kva gjorde eg?.... Eg gjorde alt som ikkje stod i oppskrifta....

Skal eg berre "safe" og seia at det skjedde ein kjemisk reaksjon? :P

GOD KVELD:)

2011-09-13T23:32:00.003+02:00

Postar nokre bilete som er tekne frå, ja, dei er vel tekne frå akkurat her eg sit på senga mi i Volda:) Det er kveld det er haust det er mørkt og det er koseleg.

Ynskjer deg ein finfin kveld :)

ØRSTA

2011-09-13T23:25:00.002+02:00

I dag hadde eg fri frå skulen og lovde meg sjølv ein biltur til Ørsta dersom eg var flink å lese på formiddagen. Eg las LITT om sovjetunionen men den dumme dumme TV-en tok det meste av konsentrasjonen min i dag. Eg er verkeleg ikkje van med å ha TV tilgjengeleg, det merkar eg i dette semesteret. For no har eg blitt DEN TV-slava. Firekanta auge. Men eg skal sjølvsagt skjerpe meg. Difor skal eg på lesesalen i morgon for å lese fortsettelsen på revolusjonen i Sovjet. Den fortsettelsen er nokså lang. hehe.

I Ørsta såg eg ein kul raud gamal bil. Eg såg ingen fine klede. (hei kleskrise!) Men eg såg the greatest og biggeste carrot cake . Eg måtte ha to koppar kaffi for å "skylle den ned". Det var seriøst den beste kaka eg har ete

og veit du kva som blei med meg heim i postbilen?

hint: to hjul.

årets spontankjøp.

det gjenstår berre å pimpe den opp med ei korg og eit blomsterklistermerke :)

Fin kafé!!

Framkomstmidla mine matchar!!

PÅ SKULEN

2011-09-13T23:05:00.001+02:00

har vi noko som heiter AKTIVITETSDAG. Desse dagane lagar vi mat utandørs.. Anten det er å ta med seg takka ut for å steike tjukkeløfse - eller å koke tomatsuppe over bål. Dette med båltenning er ein kunst. Det er alltid moro å sjå kven som lagar det ...beste bålet. Og sjølvsagt vil eg krone meg med tittelen bålsjef. Haha. neida. Har berre litt flaks og er veeeldig glad i tennvæske. Takk og pris for Ole, Dole og Doffen og hakkespettane - for eg har aldri vore speidar. Men eg har alltid hatt ein viss interesse for bål. Litt skummelt. Men heilt trygt nede ved fjøresteinane ;)

Her lagar vi grønsaksWOK med heimelaga woksaus. Jepp, det er mogleg!

Gruppa mi sitt bål

(her hadde vi forsåvidt tilgang på kol og tennvæske)

Nabogruppa sitt bål..

Hoho... trøbbel i leiren? :P

Mmm, dette var veldigveldig godt. Laga på bål. Det er mogleg!

Her sit vi på rekke og rad utanfor Høgskulen i Volda og grillar og eter medan idrettselevane sveittar og trenar i bålrøyken vår.. hoho..

FOR DINNER

2011-09-13T18:27:00.001+02:00

Heimelaga tomatsuppe med ein klatt rømme. Eg veit ikkje om rømme passa til sånn gastromatisk sett - høhø. FOR nokre ord. Det berre måtte litt farge til, for synets skuld. Eg ser no at eg skulle hatt noko grønt på også. Men eg har ingen urteplantar på kjøkkenbenken....Ved sidan av åt eg heimelaga brød. OK, no byrjar eg å verte skremd av meg sjølv. For i går hadde eg heimelaga grønsakswok med svinekjøtstrimlar. I morgon vert det nok nudlar - believe me.

NEW SHOES

2011-09-12T23:24:00.001+02:00

and guess what? Eg klarer å gå med dei. Eg blir like høg som radiomasta (kva radiomast?..), men det får so vere. Dei er meget kule. Står til pynt i bokhylla mi. Det er so gale..

NOREGSGLASET

2011-09-11T18:17:00.002+02:00

Eg har lagt ned plommer.

Plommer plukka eg frå plommetreet til bestemor og bestefar.

Noregsglasa er gamle og er oldemor sine, dei har sikkert ikkje vore i bruk sidan ho sjølv brukte dei. So det måtte mykje skrubbing og vasking til før dei var klare til bruk.

Her står Noregglasa på rekke og rad. Vaska i såpevatn.

Plommene skyllast godt.

Sukkerlake lagast på denne måten: 1 liter vatn, 1/2 kg sukker.

Glasa stimast og steriliserast på denne måten. over eit vassbad i komfyren.

Legg ei rist ned i ei kasserolle med kokande vatn. Her skal glasa kokast. på gamlemåten.

Syltestrekka steriliserast. ingen bakteriar skal få danne dårleg miljø i Noregsglasa.

Her prøvar vi oss på nymotens plommenedlegging: plommene kokast i sukkerlaken.

Medan vi her gjer det på gamlemåten.... Plommene kokast iiiii glaset.

Glasa står opp ned for at det skal vere fred i Kina.

Her står det ferdige produktet på rekke og rad. Ser litt grotesk ut, men sånn var det på den tida du ikkje kunne kjøpe fersk frukt frå Belgia, California eller Spania midt på vinteren.

)fiction(

HØG VAR HO

2011-09-08T23:09:00.008+02:00

..og gamal var ho. og stolt var ho.

eg snakkar om radiomasta som har stått på Vigra i snart 60 år, ho blei bygd i 1952. Vigramasta har stått seg gjennom mang ein orkan - om ein kan seie det sånn.

eg hugsar då eg var lita og hadde som prosjekt å telle dei raude og kvite felta på den store masta vi kan skimte over Synesfjellet, og den blinkande lampa på toppen gjorde ofte at eg ikkje fekk sove fordi det blinka inn til rommet mitt. men eg følte meg alltid trygg for lynnedslag, fordi eg visste at radiomasta ville ta den største støyten. ergo måtte eg berre passe meg for å ikkje bruke paraply eller stå under eit tre når det tordna. radiomasta som er landemerket vårt er borte.

i dag datt ho i bakken. det gjekk raskare enn eg trudde. pappa trudde det skulle gå raskt, eg trudde ho kom til å somle og vimse litt før ho tilslutt ramla over ende og enda sine dagar ved sjøkanten. pappa gjetta riktig. vi var på sjøen og fulgte med på mannane frå forsvaret som skulle sprenge med dynamitt. det var tydlegvis litt vanskeleg å halde seg på 1000 meters avstand, so kystvakta besøkte båten vår nokre gongar. men dei var greie nok dei. trur dei hadde det kjekt, endeleg litt action for dei. dei må vere leie av å fange hummarkjeltringar. dei var vertfall ganske so viktige der dei susa rundt i den oransje båten sin og laga bølgje for alle dei andre båtane. det var ei lita stund å vente på smellet, for å halde seg i aktivitet var det nokon som fann fram fiskestanga, andre sjaua over båtane til kvarandre, andre prøvde å snike seg innom sikkerheitssona og fekk kystvakta etter seg. litt oppstyr må ein rekne med.

GIVEAWAY

2011-09-07T16:48:00.002+02:00

KJEMPEBRA giveaway hos www.anetteshus.com med mange flotte premiar! Eg har tatt den heilt ut og tatt mange lodd, trur eg har på meg lukkegensaren min i dag ;)

Ta deg ein tur du også ;D

MYHOMEINVOLDA

2011-08-29T00:16:00.003+02:00

..will you come and visit me?

Gang og stue visast i denne omgang, kanskje soverom kjem ein anna dag. Det er berre litt tomt der akkurat no. Flytteprosessen går litt trått denne gongen ;)

HOTEL

2011-08-28T23:51:00.000+02:00

I helga, som det no berre er 15 minutt igjen av, har familien Røsvik/Urkedal vore på Hotell Alexandra, Loen. Der var det den nydlegaste maten som venta på svoltne matglade hotellgjestar frå Sunnmøre som veit å utnytte ein buffet til fingertuppane. Mat frå 19.00-22.00 sa du? Jammen då byrjar vi klokka 19.00 og sit ved bordet til klokka 22.00 då veit du. Ingen problem med to små barn med på lasset, dei berre sover i kvar sin vogn ved sidan bordet vårt. Mykje god mat og nygrilla Entrecoute på bestilling er heilt OK. Det same var kakebordet med både kaker, heimelaga is og CremeBruleet. Forresten, eg har fått ein ny favorittdessert, nemleg Creme Brulet. Fantastisk godt. Og kaffien? Den blei rett og slett for svak til å nøytralisere alt det gode på kakebordet. So denne jenta måtte i baren og bestille seg ein kolsvart ESPRESSO. haha.

Hotellet hadde badeland og SPA for den som var interessert i det. Eg skal utnytte fasilitetane betre neste gong. Sånn elles var hotellet ganske lik som då vi var der sist, nemleg i 1996. TAKK mamma og pappa for ei flott helg. Og nei, eg stjal ikkje såper eller frukostbrød frå hotellet. ;)

ASTRI AGAINST NATURE

2011-08-26T13:10:00.000+02:00

Her ein dag bestemte eg meg for å ta turen på Rotsethornet. Det er eit fjell på 650 meter plassert midt i Volda. Fjellet er visstnok hata og elska, hata på grunn av den malplasserte plasseringa og skuggen det lagar for sola. Og det er elska av akkurat same grunn... Bortsett frå sola då. Fjellet er krevjande å bestige og du er avhengig av bra vér.

Astri visste ikkje så mykje om dette fjellet bortsett frå enkelte skumle historier. Men Astri har alltid hatt lyst til å bestige fjellet sidan ho flytta til Volda. Sidan ho ikkje visste så mykje om fjellet prøvde ho å google "Rotsethornet" og finne vegbeskrivingar. Det var lite å finne på internett. Ho fyllte opp vassflaska si og prøvde å finne Rotsettunnellen. Blei litt omvegar før eg fann strartstreken. So byrja oppturen. Det var eg og ein flokk pensjonistar som var ute og gjekk denne dagen. Eg humra litt for meg sjølv, dersom denne gjengen kom seg til topps måtte vel eg og klare det? Men det viste seg at denne gjengen absolutt ikkje skulle til topps. Dei berre gjekk eit stykke opp i høgda, på dei grusbelagde stiane. Desse stiane var med på å heise optimismen til topps for min del. Ærlegtalt, det er jo DEN flotte vegen her jo. Dette kjem til å gå leikande lett.

Plutseleg står eit skilt framfor meg med retning Rotsethornet. Der står det at du går på eige ansvar og må ringe 112 dersom det skjer noko. Og eg kika oppover stien gjennom skogen og måtte svelge ein stor rundball. Jaja. Astri tok seg ein slurk frå den rosa tupperware-drikkeflaska og byrjar å gå. Det var litt gjørmete og verkeleg eit ulendt terreng. Enkelte stader var det litt skummelt å gå fordi det var bratt og sleipt og eg hadde eit speilreflekskamera rundt halsen og ei stor drikkeflaske i handa. Eg hadde eigentleg ikkje so mange hender til rådigheit. Enkelte stadar følte eg meg som SPIDERMAN, med rumpa ut medan eg klamra meg fast med både hender og føter, drikkeflaska måtte eg kaste framfor meg. Eg har aldri klatra før og har aldri vore i ein klatrevegg. Eg har aldri vore so redd for, det kan eg forsikre deg om. I tillegg var eg heilt åleine, noko som gjorde det endå verre. Men eg kjempa meg opp fjellsida og kom meg opp dei verste partia. Framfor meg skimta eg ein person i kvit t-skjorte og tenkte at eg vertfall ikkje var heilt åleine på fjellet. Men då slo tanken meg om nedturen. Aldri i livet om eg ville gå ned same rute som eg gjekk opp, det kom ikkje til å gå. Det må vere fysisk umoglet å gå nedover denne ruta som eg gjekk oppover. Resten av turen håpa eg på at eg ikkje møtte nokon som var på veg ned. Eg håpa på at det var ei anna rute ned. Heldigvis møtte eg ikkje på skikkelsen i kvit t-skjorte.

Drikkeflaska mi byrja å bli tom og eg var berre halvvegs. Men den verste delen var unnagjort. Takk og pris. Men det var ingen elv eller vatn langs stien, so eg blei litt bekymra for drikke. Då la eg merke til at det var blåbær rundt meg. Og eg berre slukte alle blåbæra eg kunne finne, på denne måten fekk eg betra blodsukkeret og kanskje klarte kroppen å skilje ut vatnet frå blåbæra om nauda var stor nok. Haha. Som du heilt sikkert har lagt merke til var det stor DRAMATIKK rundt meg/inn i meg.

Uansett. Til topps kom eg meg og eg var sjeleglad og nytte den flotte utsikta utover Voldafjorden og innover Austefjorden. Eg hadde ein sup igjen i vassflaska og kameraet var like heilt, bortsett frå ein liten dings som fallt av, men den putta eg i lomma. So alt var såre vel.

Då var det berre å byrja nedstiginga, eg fann den smale sti og fulgte den sånn omtrent, det blei litt avsporingar sjølvsagt, for det er berre sånn eg er. Men eg fomla meg tilbake til stien og kom meg ned på den andre enden av fjellet - om eg kan seie at fjell har ender. Det var liksom på same sida av fjellet, men på den andre enden. OK, du skjønar. Denne turen var langt snillare, men akk, so lang. I tillegg måtte eg gå rundt halve Rotevatnet før eg nærma meg sivilasjonen. Heldigvis bur eg ganske nært Rotevatnet, so eg kom meg tidsnok heim til å ta Timekspressen til Moa og treffe N, M, V og K for å dra på KINO:)

Det blir nok ei stund til neste gong eg toppar dette fjellet. Respekt for Rotsethornet altså!

Takk og pris for tau og stigetrinn i fjellet..

Som du kanskje ser på tauet, var det nokså bratt...

Biletet er teke nedover, etter at eg kjempa meg opp "stigen"... Magesuuuug...

Det måtte sjølvsagt ei lita kunstpause til, for å ta eit bilete og nyte utsikta :)

Sånn omtrent halvvegs..

Utsikt over Volda frå toppen. 649 m.o.h.

(Fjellet er nok ikkje so høgt som det kjendast ut som - hehe)

Utover Voldafjorden! Flott!

1 stk stolt Astri på toppen

Vi var berre to som hadde vore på fjellet denne dagen, og vi var der omtrent samtidig. Og guess what, denne personen i kvit t-skjorte som gjekk framfor meg gjekk i klassa mi i fjor. Morosamt. Men han var nok nedkomen lenge før meg - eg traff vertfall ikkje på han.

Først trudde eg at dette var vegen ned, det var her eg gjorde eit krumspring frå stien. Men det var visst ein utkikspost. Toskegjølet. So no veit eg det. Det var bratt. Magasuuuug..

Det var forsåvidt skilta til denne torskegjøla.. hehe.

Saved by blueberries ;)

TRANDAL

2011-08-26T11:44:00.001+02:00

Ærendet var blåbærplukking. Men det har eg ingen bilete av. Men eg plukka 6 liter blåbær og laga blåbærsyltetøy av 6 liter blåbær. Det blei akkurat nok blåbærsyltetøy for ein person for eit heilt år;)

Skulle gjerne plukka meir, men eg fekk liksom ikkje plukke blåbæra fritt frå øvste hylle.. Det var nokså utplukka om eg kan seie det slik;) Elles gjekk dagane i frisk luft og bobleblåsing og snikring og kassebil og sveler. Akkurat slik det skal vere.

BOBLE

2011-08-26T11:14:00.000+02:00

ØRSTA

2011-08-26T10:52:00.000+02:00

Her ein dag for lengelenge sidan dro eg og mamma til Volda og Ørsta. Vi dro til Volda for å flytte meg inn i leiligheita også dro vi til Ørsta for å handle. Det vart ikkje handla so veldig mykje for min del, men det blei jo tid til ein kaffi eller tre på kafe. Det som var litt gøy var at vi trefte på fleire kjentfolk som ikkje bur i dette området, men som tilfeldigvis var innom ØrstaAMFI. Akkurat som oss. So på denne dagen var det verkeleg invasjon av øya-folk i Ørsta! :)

..og flytta eg til Volda denne dagen? å, neida, eg blei med heim til Vigra..

in:Volda

2011-08-22T02:22:00.000+02:00

Klokka er akkurat bikka 02.00 og eg er stuptrøytt og har vondt i fingrane og har vondt i magen. Stuptrøyt fordi eg stod opp klokka 08.00 i dag og befann meg då på Trandal. Og dagen har gått i eitt etter at eg var tilbake på Vigra med middagsgjester for deretter å stikke på bursdagsselskap til bestefar for der å ete meg i hel på kremkaker(difor har eg vondt i magen, tåler ikkje krem lengre tydlegvis). Etter selskapet dro eg rett til byen for å ta timekspressen (jau, det skrivast sånn - tenk) til Volda. Klokka 22.00 var eg i Volda sentrum og eg byrja å spasere i regnveret mot min nye heim. Og då ringte ein bekymra sambuar og lurte på om ho skulle hente meg, det var vel ikkje eit spørsmål eigentleg for eg fekk ikkje svare. Sandra kom i sin kjappe bil og plukka meg opp. Sjølv om eg hadde berre nokre få meter igjen å gå. Men det var godt med frisk luft. Men bagen vegde litt mykje, so det var godt å bli henta:)

Og no lurer du på kvifor eg har vondt i fingrane? Jau, det er fordi eg i nesten heile kveld har skrudd opp ein flatpakke frå IKEA. Eg har aldri gjort det før. Og skrivepulten min bestod ikkje akkurat av 3 plater som skulle skruast saman. Nei, den har nemleg 2 stk skuffer (ei lita og ei stor) og eit skap med hyller inni. Pulten og senga mi er ganske store og rommet mitt er ganske lite. Ergo må eg sitja i senga når eg sit ved skrivebordet. hihi. Men det går fint. Eg har nemleg 120cm-seng :D Eg kjem til å sove meg bort (les:gå meg bort) i den store senga.

Og forresten, no blei eg litt bekymra også. For veit de kva eg akkurat kom på? At eg må ha forklede til skulen i morgon. Og det gløymte eg heime på Vigra:( Det er ei kjip kjensle. Eg som skulle vere super pliktoppfyllande. Og her kjem eg fyrste dagen og gløymer forkle!! På barneskulen og ungdomsskulen fekk vi ikkje delta i Heimkunnskapen dersom vi gløymte forkle, er det slik på Høgskulen også?..

No er det kveld!.. Lukke til med studiestart alle saman!

HOLGABLITS

2011-08-16T17:50:00.001+02:00

På mitt Canon 450D. Look, it´s all red!..

WIDE ANGLE

2011-08-16T17:27:00.000+02:00

Bileta under er ikkje redigert på nokon som helst måte. Hadde kanskje vore best å testa vidvinkelen med eit by-situasjonsbilete, eller eit interiørbilete. Eg skal prøve det ut ein anna dag. No er dagsljoset svunne hen og eg er lei av å putte kabelen inn og ut av mac-en og kameraet :P

PAKKE I POSTEN:)

2011-08-16T17:10:00.000+02:00

Eg fekk the world´s coolest bursdagsgåve frå Natalie og Ragnhild. Nemleg eit raudt HOLGA-kamera. Til deg som lurer på kva i alle dager eit HOLGA er for noko? So kan eg seie ein ting. Det er eit leiketøy som er made in China. Ekte jalla kamera som tilfeldigvis også klarer å ta bilete. Det veg omtrent ingenting fordi det er laga av plast. Kamerahuset lekker ljos, so bileta kan ofte få ei lysstripe eller tre på seg. Eventuelt kan eg tape det litt, slik at det ikkje lekker ljos inn. Men det er nettopp dette som er sjarmedande. I tillegg er det ikkje vits i å sikte gjennom linsa, fordi biletet du tek blir noko heilt anna... Kameraet er elska og hata. Kamera-klubben grei meinar at dette er ein kult som skjemmer fotograf-profesjonen og at det er reint vås. Medan kulten elskar det og er totalt betatt av plastikkameraet;)

Den lille haka med HOLGAET er at det brukar analog film. Du veit, sånne filmruller vi måtte kjøpe i gamledager og setje inn i kameraet og sveive filmen fram til neste bilete etter å ha teke eitt.. Med andre ord blir dette eit meget dyrt leiketøy på sikt, sjølv om at det er billig å kjøpe. Framkalling veit du. Det er ikkje berre å printe ut bileta. Du må sveive fram filmen når alle bileta er tekne, også må du levere inn filmen til ein fotobutikk som ler av deg fordi du har fallt av digitaliserings-toget. Kanskje har han stengt mørkerommet sitt også for den saks skuld, slik at du må gå vidare til neste fotobutikk. Det aller beste hadde vore å hatt sitt eige mørkerom. Eg har sett det på ynskjelista mi. Eit svart rom og mykje kjemikaliar.

Uansett. Gjerrig som eg er, tenkte eg at eg skulle spare pengar på det eg kunne, og har difor bestilt analoge filmar i stort kolli frå Tyskland over internett. Frå denne butikken fekk eg likegodt 3 filmar for ei billgare peng enn 1 film i norske butikkar. I tillegg til at denne butikken førte litt fancy filmar med rødskjer, svart/kvitt osv. Og frakta? den var gratis fordi eg kjøpte så mykje. haha.

På EBAY fann eg ei vidvinkel linse til 15 dollar. Frå HongKong. Gratis frakt. Og veit du kva det som er veldig kult er? Eg kan sette på vidvinkel linsa på SPR-kameraet mitt - dvs at eg må halde det framfor objektet, MEN det funkar. Bileta får vide vinklar og "naturleg" vignitering!!! :D Eg kan også bruke HOLGA-blitsen på SPR-kameraet mitt. Og denne blitsen er genial fordi den har ulike fargefilter. Så no kan eg ta grøne bilete, blåe, gule og raude.. Kjempekult!

I dag fekk eg faktisk begge bestillingane i posten, både vidvinkellinsa og 35mm-filmane. Så no kan eg ta i bruk HOLGAET mitt. Er berre litt kjipt at eg må ta ut filmen og levere den inn for så å få den tilbake for så å scanne bileta inn på mac-en for at de skal få sjå. Men de skal få sjå når den tid kjem!

Holga+blits

Kamerahuset. Inni her skal filmen setjast, noko som er ein liten operasjon i seg sjølv..

Pakke frå Tyskland som kom med budbil til meg i dagtidleg;)

Kina-mannen frå HongKong heldt seg til postbudet, kanskje like greitt.

Holga...

Vidvinkel-linsa mi:)

..den er verkeleg vid altså...

HADETBRA

PIZZAMARGARITA

2011-08-13T22:54:00.000+02:00

Når eg er på reisefot må eg ALLTID innom ein lokal supermarknad for å kjøpe med meg noko spanande heim. Roma var intet unntak. Vi var innom den deiligaste delikatessebutikken - om eg kan kalle ein butikk deilig. Astri hamstra med seg eksklusive olivenoljer og pasta i alle fargane til regnbua. Ekte olivenoljer er jo så dyrt her i Noreg, og av ymse kvalitet. Så dette måtte eg prioritere plass i kofferten min til;)

I dag opna eg oljeflaska mi for første gong og høyrte heftig intromusikk til i mitt indre øyre. Haha. Eg likar jo å gjere stort ut av lite. Lukta på den, og berre.. sniff sniff, Roma.

Etter å ha ete x-antall pizzaMargarita dei få dagane vi var i Roma, hadde eg gjort meg opp ei meining om korleis denne pizzaen hadde blitt til. Sett bort i frå tre-fyrings-pizza-ovn og ekte parmesan og mozarellaost, så hadde eg det eg trengte. Sånn omtrent. Eg hadde importert Mozerella frå CoopOBS, gulost frå Sverige, mjøl, vatn, hakka tomatar, sukker, salt og pepar.

Og voila, utan noko oppskrift, berre ei supergod olivenolje, såg Astris PIZZAMARGARITA verdas ljos. Den blei firekanta. Men hallo, Italia møter Noreg = firekant(!)(?)(...)

Eit tips eg har snappa opp frå NRK er at ovnen skal stå på maks temperatur (300grader i mitt tilfelle) og pizzaen skal steikast 8 minutt eller noko. Bunnen er veldig tynn, så fortvil ikkje.

Og pizzaen. Fyyy, den var god. Den smakte Italia:)

Olivenolje, folkens. Det hadde ikkje gått utan.

Deig: mjøl, lunka vatn, gjær, salt, sukker, ein dæsj olivenolje. Hevast til dobbel storleik.

Ekte råvarer og reine smakar;) tomat + salt + pepar + olje

La tomatsausen putre so lenge som mogleg. Jo lengre dess betre.

Mozerella er ein superviktig ingrediens.

Margaritaen er toppa med mozerella- og tomatskiver.. Eg spedde på med litt vanleg ost i tillegg, fordi eg ikkje hadde nok mozarella... Men for all del; kvitosten kom frå Sverige, så pizzaen er internasjonal. haha.

Kvern litt pepar over og evt hell litt olje over. og nyt.

No er det store spørsmålet; korleis i alle dager skal det gå med meg dette skuleåret når eg må bruke litermål og vekt?.. Det skal bli meg ei skue. Til og med på ungdomsskulen måtte eg vike frå litermålet og gjere ting på ein raus. Det berre skjer. Eg veit ikkje kvifor.

Læraren min frå 9.klasse lurte på korleis i alle dagar eg fekk så mange bollar ut av deiga? Jo, det skal eg fortelja deg, H, no - 9 år seinare. Eg hadde for mykje væske oppi deiga så den blei altfor klissete, difor måtte eg ha oppi meir mjøl- og VIPS blei deiga større. Altså fekk eg fleire bollar enn dei andre. Eg sa jo sjølvsagt at eg hadde keine anung.. Men jaj, eg trur ho skjønte det då. Det gjor sikkert eg óg.

Men no blir det fokus på måleeinskapar i tida framover. Fokus. Fokus.

AT THE BEACH

2011-08-13T22:21:00.000+02:00

BBQ:2

2011-08-13T21:45:00.001+02:00

Ein stor gjeng samla seg i Røsvikfjøra og grilla og chilla og myngla. Som tradisjon tru, blei bålet berre større og større og gråare og meir røykfyllt dess seinare på kvelden det blei. Reknar med det blei nokre hol i ozonlaget over Røsvika denne dagen. Men kven kunne vite at eit plastikkrør var eit plastikkrør når det var mørkt og du leita etter noko brennbart tre?.. Det såg ut som ei grein. Og det kjendast ut som ei grein. Jaja.. Well Done, S ;)

HOMESPA

2011-08-13T21:22:00.000+02:00

I heile sommar har eg lengta etter eit fotbad og berre det å kunne site ute på verandaen og nyte sola med ein stor te-kopp og ei god bok. Teen er sjølvsagt svart te frå Kenya med varm mjølk opp i. MmMMm.

Tid har eg hatt plenty av. Bøker har eg plenty av. Dette skulle jo vere ein lesesommar av dimensjonar, men eg har berre lest sånn omtrent 30 sider. Men ja, det var den sola då. Den har glimta med sitt fråver i so og seie heile sommar. Du vil ikkje tru kor tungt det er å ynskje blide sydenturistar GODTUR til varmare strøk. Og ynsket om at dei skal ta med sola heim til Vigra har blitt ytra 5 gongar for mykje. Alle som ein har lova å ta med solstrålar heim, men ingen har heldt det dei lova. Ergo har vi ikkje hatt noko sol her. Det var ein liten guttepjokk som skulle til Bulgaria og gledde seg sååå mykje. Han lurte på om eg ikkje fekk reise så mykje eg ville sidan eg jobba på ein flyplass. Nei, det kunne eg nok ikkje. Aaah, svara han då. Det må vere utruleg kjedeleg for deg å sjå så mange dra til syden kvar dag, også får du ikkje dra sjølv. Eg smilte. Han hadde so rett som det går an. Eg spurte om vi skulle bytte, så kunne han jobbe her og eg fekk reise. Aldri i livet svara han. Også spurte eg om han ville ete ein is for meg i Bulgaria. Og det ville ha. Jau, han kunne ete 3 isar han, nemleg!!.. hehe. **SMELT**

Men her ein dag, veit du. Då kom sola for ei lita stund. Og eg berre suste heim frå jobb i min raude bil. Laga meg ein Kenya-te. Fann fram ei bok og kremar og neglelakk og tappa vatn i eit kar og berre sette meg ned med solbriller og smilte til sola. Det var ikkje lenge ho ville vise seg for meg, men akkurat lenge nok til at eg rakk det eg hadde lengta etter heile sommaren:)

BBQ:1

2011-08-13T20:54:00.001+02:00

Innimellom jobbing har vi fått til å samle ein gjeng no og då og hatt trivelege sommarkvelder. Sjølv om alle er heime i desse sommartider, er det litt av eit puslespel å få til noko som passer for alle - sidan vi alle er opptekne med sommarjobbar. Morosamt nok jobbar dei fleste av mine godisar på same arbeidsplassen også, og sjølvsagt matcha vaktene våre so og seie aldri.. Men det har vore tidenes mest sosiale sommar på jobb - det må seiast. Ein lærar som reiste via Vigra Internatinal Airport sa det så godt til meg:

Lærar: neimen, halloen Astri! Jobbar du óg her? Ved innsjekkinga treffte eg på elev 1 og i sikkerheitskontrollen var jommen meg elev 2 og. Også er du her i kafeen? No er eg spent på kven som serverar meg kaffi på flyet eller - for all del; flyg flyet.. hehe.

..og eg berre: åjaaa, det jobbar mange fleire elevar du har hatt her. Det kan eg love deg. Halve Vigra jobbar jo her;) Det er litt som i Kristiansand der jobba sikkert halve byen i Dyreparken og spelar Politimeister Bastian...

Så innimellom intens og hard jobbing har vi også hatt det pittelitt kjekt, og kjentfolk? haha, det kryr det jo av..

Ein kveld tidlegare i sommar var eg, Maria, Veronica og Natalie i Kvernhusvika og grilla. Maria var som vanleg handy og smart og fekk opna hermetikkboksa med mais på ein heller..primitiv måte. Grillspyd og ein vedkubbe kan brukast til så mangt.

2011-07-31T21:13:00.001+02:00

Kaféliv med gode veninner er ikkje feil. Det har blitt nokre kaffikoppar på Lyspunktet i sommar, men absolutt ikkje nok. Heldigvis er det fleire dagar å ta av no i sommar..

Det er vel kanskje ikkje anna å ta seg til med, veret her på Sunnmøre er til å grine av. Kor er sola?

Det er ikkje utenkjeleg at eg set meg på neste fly til Syden, det hadde vore noko det. Må ta meg ein tur på restplass.no og draume meg vekk litt.. Men det var den jobben då.. E.G.H.A.R.I.K.K.J.E.T.I.D.

Veronica den vene

20 kr

2011-07-29T20:24:00.001+02:00

Ny gul kul kjole med polkadottar på. 20 kr på ONLY.

Den er eigentleg ikkje så veldig fin. Eller, eg tykkjer den er fin, men det gjer sikkert ikkje du. I ROMA(hjarte) kjøpte eg meg ein ugle-ring til cirka det dobbelte av prisen på kjolen.

No skal eg på pizzafest.

glafs glafs

Fakkeltog

2011-07-25T21:15:00.001+02:00

Utruleg mange folk samla seg i Ålesund sentrum i kveld for å gå i fakkeltog.

s t e r k t

samla i sorg, i solidaritet, og i styrke, til minne for dei som mista livet 22. juli

Mitt lille land...

2011-07-25T01:22:00.002+02:00

Landet mitt,
Noreg
som eg elskar
Mine brødre og søstre
tårene triller og hendene foldast
for alle dei som er berørte,
for nasjonen vår.
Eg ber for Fedrelandet,
Eg ber for Regjeringa
Eg ber for Det norske folk
Eg ber om at hjarta våre må fyllast av kjærleik
kjærleik til kvarandre
og ikkje frykt.

Reisebrev frå ROMA:)

2011-07-22T00:39:00.001+02:00

OK, eg har fundert mykje på korleis eg skal dokumentere Roma-turen med ord. Skulle ynskje eg kunne italiensk, trur magien hadde tatt seg best ut på eit magisk språk. Men her sit eg med min eksotiske nynorsk. ... ;) Og nynorsk, det skal du verkeleg få lese no. For dette er ei avhandling. God lesing!

Uansett. Roma var fantastisk, men ikkje såååå fantastisk at eg vil dele livet mitt opp i "før og etter Roma-turen". Så i ekstase er eg strengt talt ikkje. Eg er ikkje amerikanar liksom. Men eg kan love deg at 3 1/2 dag i Italia er altfor lite. Når det er sagt så var det med litt blanda kjensler eg sette meg på nattbussen torsdagskvelden med nasa retta mot Roma. For veit de kva? eg har sidan eg var pittelita jente med 4 fregner på nasa sagt at eg skal på bryllaupsreise til Roma. Men så enda eg opp i Roma med to veninner istadenfor.

Dette er vel mykje gøyare enn å sveve på ei rosa sky? legg merke til stakaren i bakgrunnen;)

Men for all del, veit de kva? Eg trur at det er best å oppleve Roma som singel og fri som fuglen. For herremannane der nede er verkeleg gentle og galante. Trur dei er ekstra galante mot jenter som ikkje klamrar seg rundt ein mann ;) Vel vel. Det blei ingen romersk herskar som klamra seg heilt fast på denne jenta vertfall. Kanskje like greitt. For om det hadde vore tilfellet, hadde eg ete meg i hel på italiensk mat.

Les om denne hendinga på Natalie sin blogg;)

For å nemne noko, så var pizzaen livsfarleg god. Og isen var til å døy for og av. Fekk meg nokre gastronomiske eksplosjonar i munnen for å seie det slik! Og kaffien? mamma miiiiia. Det var 35 grader i skyggen og Astri hadde mest lyst til å leggja seg ned i fosterstilling under næraste palme. Men kva gjer ho? Bestiller uno cappuchino per favor!! Når det er sagt så fekk vi rare blikk når vi bestilte oss frukost. I Italia, som i Frankrike er frukosten eit oppskrytt og lite viktig måltid. Ein espresso og croassant held i lange baner. Men når 3 norske ungjenter skal ha frukost går det i 1 stk croassant+baguette med parmaskinke og mozzarella (ooh, italiensk ost!!yumyum)+kaffi+appelsinjuice. OK, vi blei meget mette. Og vi fekk nok litt lange blikk frå imponerte italienarar.. ehe.. ;)

Kva skal vi bestille.. hmmm.. UNO PIZZA MARGARITA, PER FAVOUR.

Ragnhild kastar seg over noko som må vere verdas BESTE pizza!

Italiensk is på sitt BESTE!

Italiensk frukost;)

Elles gjekk var det middag til lunsj og middag til middag. Og eg kasta meg på coca-cola-snurren som eg var på i Kenya tidlegare i år. Av og til blei berre vatn for...ekkelt. Og for dyrt. Er du navla sunnmøring, så er det vanskeleg å akseptere at vatn kosta like mykje som brus - noko det forsåvidt også gjer i Noreg, men kven kjøper vatn heime?.. haha, den setninga kan de stryke. For er det noko nordmenn kjøper så er det vatn på flaske. Jaja, for å ta ei lita avsporing - så er det mange som kjøper vatn på flaske her heime. Også blir vatnet lunka. Dei tømmer det ut og tapper vatn frå springen. Sånn er det.

På opplevingsfronten i Roma, så var eg svært overraska over kor kulturelle reisefølgjet mitt var. Dei gapte over både det eine og andre og slo meg ikkje i hovudet ein einaste gong. Sjølvsagt vart faga mine (både kunsthistorie og geografi) heftig briefa med, takk og pris for at Natalie også har geografi, så vi var litt faglege opp i det heile. Det var litt verre med blodcellene og gen-molekyla til Ragnhild. Men kven veit, kanskje vi kan vitja den klona sauden Dolly på neste tur ;)
Roma består jo av stein. Og evig mykje historie. Men det var lite gråstein å finne. Uansett kvar du snudde deg var det eit nytt motiv som var verdt å ta bilete av. Men det er nettopp dette som er farleg, og som gjer deg litt metta. Dermed blei det teke altfor lite bilete, og du gjekk berre rundt og "ååhh..ohhh.." på kvar ein ting du såg. For å nemne nokre kulturelle perler; vatikanstaten med det sixtinske kapell og Peterskyrkja. Colloseum. Trevifontena. Spansketrappa (eg veit fortsatt ikkje historia til den..). Roma som heilskap. Napoli. Pompei.

Utanfor Colloseum.

Peterskyrkja frå ein uvant vinkel..

Trasking på Petersplassen..

Pietáen som står i Peterskyrkja.

Natalie og Ragnhild er svært begeistra for søyler. Her studerar dei pilarar og baser og whatsoever;)

Lei?

Peterskyrkja i all sin prakt og promp.

Søyler på Pantheon-tempelet

Pantheon-tempelet. fascinerande hol i taket.

Astri kastar ein mynt over høgre skulder i Trivon-fontena. Noko som betyr at eg vil koma tilbake til Roma;)

Kika på stein i Pompei. høhø.

Pompei var AWSOME!

Her var vi mett og lei av stein og Pompei (eller, det var eigentleg varmen)...

Stein stein stein over heile linja;)

utrulig!

Då vi dro inn til Vatikanet laurdagen(dag2), var vi fullstenig klare over at vi kunne risikere å måtte gå nokå tildekka. Men vi ante ikkje kvar tildekka vi måtte vere. Nemleg både skuldre og kne. Eg hadde sett for meg at det var nok å dekke over skuldrane. Så smart som eg skulle vere knytte eg eit sjald rundt hatten min. Eg hadde så lita veske at det var vanskeleg å få det med seg på anna måte. Vel vel. Vi var ved godt mot. Vi kom til Vatikanet og blei stoppa av ein kjekk-travel italienar som ville selje oss VIP-billettar inn til Museumet. Køa for å kome inn var nemleg superlang og kø-tida var over 2 timar. Ragnhild og Natalie blei solgt, men Astri tok fram den skeptiske mina. Og ville vite om han hadde lisens og sånne ting. Og han berre, hallooo, hadde eg turt å stå her og drive med dette når politiet er rett over vegen? og Astri berre, halloooo, er du klar over alt som skjer rett forran nasa på politiet?... Men vi lot oss lokke, og kom ned på eit snodig kontor saman med mange andre turistar der vi fekk kjøpt billetter. Dei ville lokke på oss ein guide også. Men DER gjekk grensa. haha, dei må ha flira godt av oss. Men vi hadde verken pengar eller tid til å hyre ein guide. Vi visste kva vi ville sjå og var lite interessert i meir enn det vi hadde tenkt oss ut. At vi gjekk bort frå guidegruppa før vi fekk billettane og ein guide måtte springe og leite etter oss inne på museumet er ein anna sak. Vi gav dei vertfall litt arbeid då, det kan vi seie. Men det var deilig å slippe å stå i kø i 2 timar, that´s for sure!!

Når vi endeleg kom oss lovleg inn på Museumet, enkelte med studentbevis og enkelte utan bevis men til studentpris;) - fann vi ut at vi eigentleg var ganske svoltne av alt oppstyret vi hadde stelt i stand. Så vi gjekk rett til restauranten og kjøpte den dyraste og mest osterike lasagnen i byen. Og medan vi satt der gjekk alle medturistane vi blei kjende med tidlegare forbi, og vi prisa oss lukkeleg over å ikkje ha hyra guide. Seinare bar det til det sixtinske kapell. Det var ikkje lov å ta bilete og prate høgt og ha bare skuldre. Vi hadde sjald over skuldrane og kneppa igjen munnen. Men kameraet. wops.

Den svært så oste-rike lasagnen. Sparer ikkje på krutet, nei..

Michelangelo sitt verk (og læregutane hans, I guess)! Adams skapelse:)

Etterpå bar det til Peterskyrkja. Køa for å kome inn var på omtrent ei mil. Eviglang. Når vi endeleg kom oss fram til "inngangsporten" blei vi stoppa og tatt ut av køa. For vi var ikkje anstendig kledd. Heldigvis hadde vi kjøpt sjald tidlegare på dagen så det var berre å knyte dei på oss. Trudde vi. Hallooo, sjalda gjekk ikkje halvvegs rundt livet på Ragnhild, korleis trur de situasjonen var hjå meg då?.. Vel, eg var ikkje rådvill. Eg hadde nemleg to singletter på meg. og eit sjald i hatten og eit sjald i veska til Natalie. Natalie og Ragnhild klarte på eit vis å få på seg sjalda slik at dei såg...meir anstendige ut? eg veit sanneleg ikkje kva som er anstendig. Men knea og skuldrane var dekte vertfall. Eg laga meg forresten eit skjørt av eine singleten min. Så eg gjekk rundt med to store luftehol i skjørtet mitt (armhola på singleten;) Men då vi omsider kom oss inn i kyrkja. WOW. Mektig oppleving. Majestetisk. Eg veit ikkje. Eg har ikkje ord. I tillegg føregjekk det ei messe, så det var orgelspeling og song. himmelsk vakkert!! I Vatikanstaten krydde det forresten av nonner og prestar. Det var kult. Eg tykte det var kult å treffe ei eldre nonne på supermarknaden med ei 6-pakning med coca-cola under arma.

Omkledning på gong. Kreativiteten lenge leve!

Siste moteskrik frå Italia!

Søndagen tok vi superbillig tog til Napoli og Pompei. Vi skulle eigentleg ta eit ekspresstog-koste-kva-det-koste-vil fordi vi hadde så lita tid. Men så var dei litt treigare toga så mykje billigare at vi bestemte oss for å snu litt på krona. Ergo blei det litt tid for soving på toga. Pompei var råkult. For det første kom Astri og Natalie inn som ungdommar og fekk halv pris. Men Ragnhild måtte punge ut med fullpris. Det svei sikkert for ho. Men for oss to andre, var dette reine ungdomskjelda!! Å sjå alle ruinene og gatepatentane i den gamle Pompeibyen var meget kult. Vi hadde ikkje guide her heller, men sneik oss inn i nokre turistgrupper og fekk fanga opp nokre opplysningar her og der. Veldig greitt at Pompeibyen var bygd akkurat der dei solgte is og brus slik at vi fekk kjølt oss av litt i varmen. For varmen var ekstrem denne dagen. Ellers gjekk vi rundt og "aahh..ooohh"-a oss heile dagen. snakka litt om stein. studerte litt stein. Også gjekk vi oss grådig vill pga altfor dårlege kart over området. Det gjeld Italia forøvrig. Dei kan ikkje å lage kart. Evig ulogisk å finne fram. Men om eg skal tipse andre folk om Pompei, så vil eg anbefale å ha guide akkurat her, for her fryktar eg at vi gjekk glipp av mykje godis. Ein tur til Vesuv hadde heller ikkje vore feil. Det skal eg SÅÅÅ gjere neste gong.

Alltid freshe på toget;)

Vesuv sett frå toget.

Etter å ha vore i Pompei nokre timar, sette vi oss på toget tilbake til Napoli. Her hadde vi store ambisjonar om å shoppe oss grøne. Men så fekk vi den tunge beskjeden om at det meste var stengt sidan det var søndag. Men ein kjekk herremann teikna opp ei opplevingsrute på Napoli-kartet vårt og viste oss kvar vi fann den beste pizzaen. Vi byrja på opplevingsruta vår og fann ut av vi ville droppe opplevingane og dra rett til pizzaen og badestranda. Ergo pønska vi ut ein "snarveg". Vel, vi kan vel seie det slik at vi fann fram til slutt! Og forresten så gjekk snarvegen vår gjennom tvilsame strøk og stadar som kanskje ikkje var meint for turistar, gatene flaut med søppel. Men så har vi vel aldri sett på oss sjølve som turistar heller. Turistar er ein u-ting. Men vi kom fram til at pizzaen var verdt all leitinga og søppelet og den vonde lukta. Det var rett og slett verdas beste pizza. Og Ragnhild slo på storetromma og kjøpte 2 bruser. Jenta var tørst må skjønne!. Eg telte ikkje antall brus eg drakk.

Natalie og verdas beste pizza frå pizzaens heimstad; Napoli!

Ei trang gate i Napoli.

Napoli er fin, trass mykje søppel. Vesuv i bakgrunnen, forresten..

Litt speiding. Langs promenaden var dei store berykta steinane som også fungerte som strand..?..

Lettare oppgitt over å ikkje finne "beachen"..

Sjarmerande italienarar på ei endå meir sjarmerande "strand". not. stranda består av kjempestore og kjempefarlege steinar...

På vegen til stranda gjekk vi gjennom litt meir fine strøk og vi kom fram til at Napoli var ganske flott likevel. Her var det tydleg søppelsortering vertfall. Vi kom fram til kaia og såg folk bade. Vi rota oss inn på eit hotellområde. Men det såg ikkje så fint ut å bade her, så vi spurte etter "the beach". Og vi blei henvist langt bortover. Folket her heldt til på superstore steiner og måtte hoppe i sjøen. Det såg ikkje noko komfortabelt ut i det heile. Vi såg for oss ei flott strand. Vi subba bortover vegen langs kaia, men såg aldri noko strand. Men det var mange folk som var i bademodus og heldt til på dei store steinane. Vi innsåg at vi aldri kom til å finne ei strand. Men tilslutt fann vi stranda da. Den var omtrent 20 meter lang. Og proppfullt av sinte italienske badekvinner og slaskete badeherremanner. Eg var barnsleg og klarte ikkje å skjule skuffelsen over badestranda. Eg nekta å stikke tåa mi i vatnet og la armane i kryss. For noko tull liksom. I tillegg var det mykje søppel i vatnet. Eg fekk heimlengsel der og då. Saknet etter sjenerte nordmenn i sjenerte badetruser i reint vatn med godt med armrom. Her var det sild-i-tønne-prinsippet som gjeldt. Vi bestemte oss etterkvart for å slå oss ned i lag med alle andre napoliarar på dei store steinane langs strandpromenada. Her satt vi og sola oss. Ragnhild og Natalie stakk tåa i vatnet. Astri var tverr. Ein Italiensk mann kalla Ragnhild for milk og seg sjølv for Chocolate. OG saman blei dei chocolatemilk. At Raggen var i skiftemodus treng kanskje ikkje nemnast. Men Astri var den kjipe atter ein gong og jaga vekk den innpåslitne italienaren. JA, eg vil ha æra for at han stakk - nemleg. hahaha..
Etter ein lang og varm dag i Napoli og Pompei, utan shopping, utan badestrand, var det godt å kome attende til Roma. Ta seg ein dusj på det flotte hotellet vårt (heilt OK- eigentleg) og sove godt til neste dag. For då hadde vi litt shopping å ta igjen..............

For å ikkje skrive ei avhandling om shoppingsdagen - som var den siste dagen vår i Roma, skal eg berre oppsummere kjapt. Ragnhild var meget lei. Natalie hadde skallebank. Astri tok ut pengar 3-4 gongar denne dagen. Søren at eg ikkje klarer å beregne betre. Det blei eigentleg brukt mest pengar på mat og drikke og is og kaffi og litt sånn småtterier. Ingen italienske sko eller veske på meg, sjølv om eg hadde ein liten draum om det før eg dro. Fornufta seira atter ein gong.

TAKK FOR AT DU ORKA Å LESE ALT!
dersom du faktisk har tatt deg tida til det, må du trykke på at du har lese innlegget - eller signere i kommentarfeltet. For eg må vite kven eg skal verte imponert av!! ;)

R0MA lll

2011-07-19T04:22:00.000+02:00

Stein stein stein
i alle fasongar, alle storleikar, i alle funksjonar, i alle tidsepoker...

R0MA ll

2011-07-17T23:19:00.002+02:00

St.Peterskatedralen,

Vatikanstaten

..om du ikkje er religiøs når du går inn, er det store sjansar for at du er det når du går ut;)

MEKTIG FANTASTISK!!

R0MA

2011-07-15T01:24:00.001+02:00

ME,MYSELF AND I

2011-07-03T01:52:00.001+02:00

Teikn på sommar?....

2011-07-01T00:26:00.000+02:00

berre synd at bileta er tekne for.... 1 månad sidan.

JONSOK 2011

2011-06-27T15:32:00.001+02:00

Jonsok, St.hans, Solsnu.. kjært born har mange namn, men her går det i Jonsok. Etter å ha klimpra meg nokså uelegant gjennom nokre songar til allsongen under programmet på Sagabu, var det tid for båltenning. Det regna og regna. Det regna ikkje så gale at du drukna, men akkurat nok til at du blei ubehageleg våt. Eg hadde verken jakke eller støvlar så eg var eit dårleg førebilete for alle dei små håpefulle der eg gjekk med mine kvite sko i gjørma i bålområdet. Elles var det ikkje noko spesielt som skjedde denne dagen. Alt gjekk i sin vante gong. grauten var god. isen var gått opp i pris (sorry, min feil). bålet tok fyr etter fleire kanner diesel. alle var like begeistra og jubla på same måte som vi gjer når vi kikar på raketter på nyttårsaftan. litt sånn: ååååååÅåhhyyYYh. Og allemann var eit år eldre.

Natalie og Fred tek kvarandre i handa på at dei skal "is-bade" kvar dag komande veke!

Enkelte lever litt meir farleg enn andre..

Kor kom den paraplyen frå? pingle.

Natalie sin nye hobby: flammeblåsing/sluking. Alt ettersom.

Nausta på Blindheim er heilt OK. Røsvik-nausta er finare, men det får så vere. Eg skal svelge det i meg, det er netopp sånne haldningar som skapar konfliktar i samfunnet. Tralla-la-la-la.

Har du møtt Per-Åme? han er grøn og budde på ein blome som eg blei allergisk av.

Turen til Roma:)

2011-06-25T13:00:00.001+02:00

torsdag 7.juli: nattbuss frå Ålesund til Oslo. Avgang kl.21.00
Fredag 8.juli: Fly frå Oslo-Hamburg kl.07.00
Hamburg-Munchen: kl.10.00
Munchen-Roma: kl.13.00

Etter å ha landa på Leonardo DaVinchi flyplass (hjarte) kastar vi oss over næraste tog og hastar inn til sentrum, men det er berre 3 mil, så det vil gå fort. Forhåpentlegvis finner vi hotellet vårt ganske fort, så vi er klare til å EXPLORE Roma klokka 16.30. Men vi treng kanskje ein halvtime til å utforske hotellrommet vårt og tute litt over den ekstremt dårlege standarden og lure på om vi kanskje vurde investert 3 gongar så mykje for eit hotell med i det minste EI stjerne. Etter å ha kome over hotellsjokket beveger vi oss mot Colloseum og tek obligatoriske bilete av oss framfor det store bygget. Etterpå ruslar vi rundt i gamlebyen og ser på gamle hus og knipsar litt bilete av oss og kjekke italienarar. Kanskje kjem vi over nokre fine butikkar vi kikar innom. Vi finner vertfall ein iskrembar og ein espressobar og eter italiensk is og drikkar italiensk espresso til vi faller om og må reddast av fine italienarar. Når kvelden byrjar å bli sein blir det å finne ein fin restaurant som lagar fin italiensk mat. og når klokka blir endå seinare må vi finne fram kartet og finne ut kor i all verda vi er i forhold til hotellet vårt. kanskje må vi taxi heim, eller så kanskje vi er rett rundt hjørnet. men heim og sove skal vi. for neste dag blir ekstrem!

neste dag våknar vi opp av vekkarklokka 05.00. vi kikar oss rundt og finner ut at vi ikkje er på hotell plaza - noko vi sikkert har drøymt om. litt skuffa pakkar vi dagveska vår. oppi den skal vi ha bikini, pengar, sjald, kjole og sko med hælar på og kamera. vi går ned til frukostbuffeten og eter ein croissant (eller kroasant - som min historielærar seier) og Astri pakkar inn eit eple og ein croissant ekstra og lurer den ned i veska sin. sånn i tilfelle. vi er sikkert seint ute og må springe mot toget som går i retning NAPOLI. vi hugsar å stemple billetten vår i stemplingsuret FØR vi går ombord. vi sover medan ekspresstoget frakter oss til Napoli; verdas pizzanavle. vi ankommer Napoli og tek neste tog til POMPEI. I Pompei finner vi den utgravde byen. Vi springer rundt i gatene og knipsar bilete og Astri hyler litt i ekstase og irriterar seg over alt ho ein gong kunne om vulkanar som no er gløymt. Natalie og Ragnhild gledar seg over nettopp det. Vi kjøper ein vulkanstein eller to i ei dyr souvenirsjappe og tek farvell med Pomepei i 13.00-tida. Vi tek tog attende til Napoli. Vi finner den finaste stranda i verda og tek ein dykkert. Kanskje tek vi ein til. Vi går attende til byen og finner ein butikk eller 20 og shoppar og kikar og tek bilete og eter pizza og eter italiensk is og drikk italiensk cappuchino. når klokka nærmar seg 19.00 er det på tide å vende nasen attende til Roma. vi set oss på toget og sover oss gjennom ekspresstog-turen.
Vi kjem til Roma og går anten ut i ein kaffibar eller vi går og legger oss for å vere utkvilte til neste dag. Ragnhild og Natalie sover. Astri sit febrilsk og les i kunsthistorieboka sin. for neste dag er dagen. Då skal vi sjå verka til dei store heltane til Astri.

Søndagen kjem. Astri vekker Ragnhild og Natalie med eit hyl. It´s the Michelangelo-day! And the pope-day! frukosten har aldri gått så treigt. men etter litt om og men er vi klare. og beveger oss i retning Vatikanet. vi kjøper superdyre billetter. og kjem oss inn i vatikanet. vi ser på St.Peterskatedralen. tek bilete. vi ser på Det sixtinske kapell. tek bilete. (vi ser kanskje på Pantheon(er litt usikker på kor det er akkurat no, men det skal sjåast)). vi går mot Trion-fontena og kastar ein mynt over høgre skulder. vi avviser ein veskeselgar som vil selge oss ein ekte GUCCU-veske til 50 euro. vi seier høfleg nei. vi brøler nei. vi slår hani hovudet og ber han om å dra seg vekk og seier nei. vi veit nemleg at dersom vi blir oppdaga av politiet med denne GUCCI-veska får vi ei bot på 30-40.000 kroner. Då kunne vi like godt kjøpt 3 originale. hmm. Etterkvart beveger vi oss mot Spansketrappa som er i same området. Alt vi gjer i dag er i det same området. vi er så flinke å planlegge skjønar de. når vi kjem til spansketrappa blir vi litt ampre over dei forelska para som står der og klinar og sussar at vi tek eit bilete for å bevise at vi har vore der også går vi. vi er sikkert sultne. så vi finner eit søndagsopent supermarket og kjøpar piknikk-mat for deretter å setja oss i parken og ha piknikk. sjølvsagt blir det knipsa litt bilete. resten av dagen blir det rusling i Roma og kanskje litt shopping dersom vi kjem over søndagsopne butikkar. og mykje is og kaffi sjølvsagt.

Det er måndag. vi pakkar sakene våre og eter frukost og sjekkar ut av hotellet. vi finner ein plass vi kan oppbevare bagasjen vår. resten av dagen skal berre brukast til kos og Roma. Roma er for våre føter. vi er ferdig med alt vi MÅ sjå. resten vi opplever skjer nok ved ei tilfeldigheit. det blir shopping, siste-liten-sightseeing og pizza-eting og vi tek farvel med Roma utover kvelden. Når klokka bikkar midnatt finner vi bagasjen vår og tek toget i retning DaVinchi-flyplassen. vi sovner heilt sikkert på toget og må vekkast av konduktøren. vi kjem fram til flyplassen og finn ein hard benk vi kan sove nokre timar på. vi bookar oss inn på flyet og susar innom TaxFreen og finner gaten vår. og kjem oss ombord i flyet vårt som går til Hamburg. flyturen tek 2 timar. vi byttar fly til Oslo. Også kjem vi til Oslo og må vente 3 timar på flyet til Vigra.

Eit proppfullt program er det som ventar oss til Roma-turen. men med mykje god espresso og cappuchino og italiensk mat og italiensk varme, vonar eg at det skal bli ein knallbra tur!
BLIR DU MED? :)

2011-06-21T22:27:00.002+02:00

Astri har blitt 24 år!
HURRA

2011-06-20T00:56:00.001+02:00

Flybillett til ROMA er bestilt og betalt. eg svevar!